ومن لايحوش النعم فاول شبابـه
أنا رفيقي ماسمـع اللـي حـــكابـه=لو جاتنا منه السوالـف مضاريـع اقرا مفاهيمـه واحسـب حسابـه=واشوف مدخال القـدم والمطاليـع ماني عجول ٍ بالزعل فـي غيابـه=قدام ماسمع منه مااعطي ولا ابيع لاخير فـي رفقـه بليـا حبابـه=ولاخير في جمع القلوب المواجيع ورفيقـك الغالـي تحمـل عتـابـه=واحلم عليه ليـا دفعتـه دوافيـع شيـم ثنـاه ولاتبـيـن عيـابـه=عاره يعـورك يابعيـد المراميـع وان كان دون مرافقك صـك بابـه=لقه قفاك وخل مشيك مـع الريـع خله على بعـدك يسـرح ركابـه=يقضي سنه ولا شهور ٍ واسابيـع وليا طلبـك الصلـح يامرحبابـه=سهل طريقـه لا يجيلـه موانيـع واحفظ لسانك عنه واستر جنابـه=لاتجرحه بين الذيـاب المجاويـع ترى اللسان ملكـع ٍ يندعـا بـه=مثل الحصان اللي يبي له مصاريع واجعل على هرج ٍ تقولـه رقابـه=عقل ٍ يصرف طايشات المواضيـع والصمت في بعض المجالس مهابه=يكفيك شر اهل الفمـي اللواسيـع عن كلمة يقضب خطاهـا قضابـه=يركض عليه مصنع الهرج تصنيع خله يروح ومنـك خـال ٍ جرابـه=يرجع كما المفلس بسوق المطاميع واحفظ صداقـة طيبيـن القرابـه=ربعك ليا قلـت عليـك المشاريـع سيف ٍ نهار الضيق تقضب نصابه=يقاك من حدب السيوف البواتيـع وليا جفاك الـدار مالـك ومابـه=رزقك على اللي طوع الكون تطويع ممشاك في حزم ٍ تطـارد سرابـه=اخير من شوف الوجيه المدانيـع خطو الرخوم مصاحبيـن الخيابـه=تجار هـرج وفاللـوازم كراسيـع الرجل مثل الذيـب رزقـه نهابـه=ياخذ مع الدو الخـلاوي قراطيـع والطيب ضلع زاميـات ٍ هضابـه=للريح في شامخ ركونـه ذعاذيـع عسر المراقي يتعب اللـي رقابـه=ماياكره كـود الحـرار القواطيـع والا الردى جرف ٍ هيـال ٍ ترابـه=حوله لزهـران المقافـي مرابيـع يرقد به الحصني ويلقى الذرى بـه=والبوم بين غصون قشعه مواقيـع رجل على الناموس بيض ٍ ثيابـه=ورجل ٍ يرقعها على المتن ترقيـع ورجل يزايم علتـه مـن عذابـه=عيـدان نـاره للقريـب مواليـع على الجماعة كـل يـوم ٍ طلابـه=خماش وجـه ولالقيبـه منافيـع ورجل ٍ مـع الايـام ماينصخابـه=عون الرفيق ليا صفعته صوافيـع غيث ٍ على من جاه يمطر سحابـه=عشبه على روس النوازي مفاقيـع ورجل ٍ كما ليث ٍ عطيب ٍ صوابـه=من دون حقه سنع الخصم تسنيـع طيب وعصمان الشـوارب تهابـه=يرجى وتخشاه الرجال الصعاصيع ومن لادرى بالناس ماحد ٍ درى به=ماله على سجل النشامـا تواقيـع ومن لايحوش النعم فاول شبابـه=في شيبته يحسب حساب المراضيع وختامها ذكر النبـي والصحابـه=واستغفر اللي مايضيع ولا يضيـع الشاعر/مفرح الضمني المطيري |
رد: ومن لايحوش النعم فاول شبابـه
الرجل مثل الذيـب رزقـه نهابـه ياخذ مع الدو الخـلاوي قراطيـع والطيب ضلع زاميـات ٍ هضابـه للريح في شامخ ركونـه ذعاذيـع مشكووووووووور ابو ركان على القصيدة والمقطع الصوتي صح لسان القائل وسلمت يدين الناقل |
رد: ومن لايحوش النعم فاول شبابـه
اقتباس:
العفو يافارس الكلمه لاهنت على المرور |
رد: ومن لايحوش النعم فاول شبابـه
أنا رفيقي ماسمـع اللـي حـــكابـه=لو جاتنا منه السوالـف مضاريـع اقرا مفاهيمـه واحسـب حسابـه=واشوف مدخال القـدم والمطاليـع ماني عجول ٍ بالزعل فـي غيابـه=قدام ماسمع منه مااعطي ولا ابيع لاخير فـي رفقـه بليـا حبابـه=ولاخير في جمع القلوب المواجيع ورفيقـك الغالـي تحمـل عتـابـه=واحلم عليه ليـا دفعتـه دوافيـع شيـم ثنـاه ولاتبـيـن عيـابـه=عاره يعـورك يابعيـد المراميـع صح لسان الشاعر الكبير مفرح الضمني المطيري رحمه الله وهو شاعر غني عن التعريف لجزالت قصائده الف شكرلك ابوراكان على النقل الرائع والموفق |
رد: ومن لايحوش النعم فاول شبابـه
صح لسان الشاعر الكبير مفرح الضمني وكما يقال أن من الشعر لحكمه وهذه القصيدة من الواجب كتابتها بماء من ذهب في أشعار شعراء مطير..
وقوله: أنا رفيقي ماسمـع اللـي حـــكابـه=لو جاتنا منه السوالـف مضاريـع اقرا مفاهيمـه واحسـب حسابـه=واشوف مدخال القـدم والمطاليـع ماني عجول ٍ بالزعل فـي غيابـه=قدام ماسمع منه مااعطي ولا ابيع لاخير فـي رفقـه بليـا حبابـه=ولاخير في جمع القلوب المواجيع ورفيقـك الغالـي تحمـل عتـابـه=واحلم عليه ليـا دفعتـه دوافيـع شيـم ثنـاه ولاتبـيـن عيـابـه=عاره يعـورك يابعيـد المراميـع وان كان دون مرافقك صـك بابـه=لقه قفاك وخل مشيك مـع الريـع خله على بعـدك يسـرح ركابـه=يقضي سنه ولا شهور ٍ واسابيـع وليا طلبـك الصلـح يامرحبابـه=سهل طريقـه لا يجيلـه موانيـع واحفظ لسانك عنه واستر جنابـه=لاتجرحه بين الذيـاب المجاويـع ترى اللسان ملكـع ٍ يندعـا بـه=مثل الحصان اللي يبي له مصاريع أنا أشهد وما أبعد كثير من رفقاء المصلحة عن هذه التلميحات الجزله... ولكن كما يقال: لقد أسمعت لو ناديت حياً,,,ولكن لا حياة لمن تنادي أبو راكان نشكر لك ذائقتك الشعرية الرفيعه:049: |
رد: ومن لايحوش النعم فاول شبابـه
صح لسانك ومفرح الضمني رمز من رموز قبيلة مطير
واشكر اخوي ابوراكان النقل |
رد: ومن لايحوش النعم فاول شبابـه
صح لسان الشاعر الكبير " مفرح الضمني ولا هان على هذه الرائعة ..
وتسلم يمينك اخوي أبو راكان على الإنتقاء الجميل , ولك جزيل الشكر . |
رد: ومن لايحوش النعم فاول شبابـه
الله يرحم الشاعر مفرح الضمني
والف شكر على النقل المميز أخوي أبو راكان |
رد: ومن لايحوش النعم فاول شبابـه
اقتباس:
العفو ياعز الخوي لاهنت على المرور |
رد: ومن لايحوش النعم فاول شبابـه
صح السان الشاعر وهوغني عن التعريف \\\\وسلمت يد كاتبها
|
الساعة الآن 11:52 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir