منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر /متعب الزنغوب (http://www.almouazeen.com/forumdisplay.php?f=155)
-   -   قصيدة مطير (http://www.almouazeen.com/showthread.php?t=34477)

متعب الزنغوب 21 - 09 - 10 12:36 AM

قصيدة مطير
 
هذه القصيد في قبيلة مطير يسرني ان اشارك بها في هذا المنتدى الشامخ اتمنى ان تنال على اعجابكم ,,,,,,,,



ياهاجسي معاد فيها معاذير=وشعذرنا بمطير منبع عربنا
الشعر له حزه يفوق الشواعير=فالماقف الغصاب ماحدن عذرنا
والله لصخر كايد القاف تصخير=وانه ليبقى في روابع وطنا
ليه مع الشعار ورد ومصادير=وعيبا على النقاد واللي نقدنا
حنا مطير اللي نكف الطوابير=نارد حياض الموت ماحداجهلنا
افعالنا عند الرجال المشاهير=لثارت الهيجاء نحقق طلبنا
انقلت علوى بالليال المعاسير=علوى هل الردات مقدم سلفنا
على العداء دايم تحث المظاهير=على كروش الخيل تحيا وتفنا
يتلون شيخن مايهاب المخاسير=شيخ الشيوخ اللي يضوي سعدنا
فيصل ولد سلطان هو مسند مطير=وحنا اليامنه زهمنا حضرنا
وحنا العبادل مطلقين الغنادير=كم حبل عذرن فكها من سببنا
في راي بن جبرين من دون تشهير=صيته يكفي قبل نرسم هدفنا
شوق الهنوف اللي تحط المناكير=وزبن الغريب اللي بداره مجنا
وانقلت فيصل مايبا زود تفسير=شيخا تطاول كل ماشاش يمنا
يكفي على تسعين خيال من غير=في باب بغداد العرب ماكذبنا
وعوض ولد فاضي زبون المسافير=شيخ الدويله قبل غزوة مهنا
شيخا ولد شيخا براسه نواعير=مزبن الشيخان واللي زبنا
وقعت طلال تزين فيها التعابير=منها العذارء باللقى غطرفنا
وبريه مافيهم عن المجد تقصير=تشهد له العربان منا ومنا
ابن صباح يسطر الفعل تسطير=والوقت خلدها ولحدن جحدنا
يومنها جتهم جموع الطيايير=قامو وضدوها وربي نصرنا
منهم خذينا مبهمات المواصير=وياما وياما غير منهم سلبنا
وعشر العوارض يوم وقت المغايير=يوم الحريب العام جال وقصدنا
جاهم وراح ولاحصل منه تخسير=من صبحها لاليلها ماكسرنا
هذي فعول مطير بين المناعير=موجز صغير ومن ضميري جلبنا
قلته وانا عندي لك الله تقارير=وعيبا علينا كان بالناس زفنا
وختامها وعداد وبل المزابير=وعداد ماحن الرعد ومطرنا

اخوكم/ متعب الزنغوب

محمد ماجد الميزاني 21 - 09 - 10 12:51 AM

رد: قصيدة مطير
 
متعب الزنغوب ابدعة بقوه والله ما قصرت وامطير يستاهلون وكل ما قلته صحيح بيض الله وجهك تقبل اعجابي

ملكة القوافي 21 - 09 - 10 01:09 AM

رد: قصيدة مطير
 
صح لسانك أخوي متعب الزنغوب

متعب الزنغوب 21 - 09 - 10 01:16 AM

رد: قصيدة مطير
 
ابو ماجد الابدااااع مروك يالغالي والفخر شهادتك لاهنت وشكرا لك

ملكة القوووووافي صح بدنك ولاهنتي

ابن مصاول الميزاني 21 - 09 - 10 01:21 AM

رد: قصيدة مطير
 
الله عليك يا أبو عايض شاعر رائع وجزل ولك قصائد دائماً ارددها صح لسانك وبيض الله وجهك

ومطير تستاهل اكثر من كذا تقبل تحياتي يالقرم

عيد سعيد 21 - 09 - 10 01:30 AM

رد: قصيدة مطير
 
صح لسانك يابو عايض

متعب الزنغوب 21 - 09 - 10 01:41 AM

رد: قصيدة مطير
 
ابن مصاول الميزاني مرورك شرف فكيف بشهادتك لاهنت يالغالي ولك مني قائق التقدير والاحترام والله يعطيك العافيه

عيد سعيد صح بدنك ولاهنت يالغالي على مرورك يابو سعيد

حمود العتيبي 21 - 09 - 10 04:11 AM

رد: قصيدة مطير
 
وونعم و سبعة أنعام في مطير وشيوخهم

صح لسااانك

وتوقيعي قصيدة ابن شلاح نموذج من طيب مطير

تحيتي

راع الوفا 21 - 09 - 10 06:05 AM

رد: قصيدة مطير
 
الشاعر النادر متعب الزنغوب الغالي
صح لسانك وعلا شانك
قصيده تتوهج بالجمال في قبيله لها ثقلها بين القبائل

الحميدي بن فارس بن مدلج 21 - 09 - 10 10:54 AM

رد: قصيدة مطير
 
صح لسانك اخوي متعب الزنغوب
لاهنت على هالقصيده تحياتي لك


الساعة الآن 10:48 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها