السلام عليكم ورحمة الله وبركاته
في ليله من ليال الشعر وإبداعات سوار الذهب في حلبان مع كل من حبيب العازمي،فلاح القرقاح،عبدالعزيز العازمي،حمدان العصيمي . في ثاني العيد::
بدأ المحاوره طاروق حبيب وفلاح ولا أمداني وإلا جبته وبعدها طاروق بين عبداللعزيز و أبو غازي
ـوعبدالعزيز أتوقع له مستقبل جيد /:

عبد العزيز العازمي:
يا شاعر المطران ينقصك مشروع = حصلت لك فالبحر دره ثمينه
لا تحسبن الدر في يدك ممنوع = ترميه مابين العمق والمدينه
قال سوار الذهب:
لاتحسبن الموت في راس الأسبوع= دلك على الرجال هرجه وعينه
ليت الضما ياخذ ويعطي مع الجوع = علم يقين ومصدره من جهينه
قال عبدالعزيزالعازمي:
ماكل موضوعٍ يعوض بموضوع = والعمر مايمضي برفك وسكينه
فرق السلع معروف فالصنع والنوع،=داحم خصومك بالجنوب المتينه
سوار الذهب:
الزحف وش ياخذ من الساق والكوع،=ياجع جملك وقمت تكوي سنينه
ياواحدٍ حضك نقز نقز جربوع = في عبلتٍ تاخذ من أرض الدفينه
عبدالعزيز العازمي:
أخذت لك من صافي الجم قرطوع = والجم متغثرب قراحه وطينه
من لا سرق بيغيش والراس مرفوع =ليت المطيري ما يقصر يمينه
سوار الذهب:
سبحان من خلا معك عين وسموع = وأنته ثقيل الوزن وثقيل طينه
الناس كل له سجلات وطبوع = واللي يقول آه أح يعني غبـــينه
عبدالعزيزالعازمي:
المرجله ما حازها طاير الشوع = ما لومهم لو حذنو والدينه
تبا تخدع الناس مير أنت مخدوع= ودعايتك صارة سوات المكينه
سوار الذهب:
مدري علامك تبع منته بمتبوع =وأنته من الهـيلا حبوس الضعينه
ــــــــــــ ـــــــــــ:
وغير حبيب وطلب أبو غازي :
حبيب العازمي:
عبد الله بماقفي ما له علي أحتجاج = شكره على ماقفه ويعدلي حجته
إن كان صابه عما معداه غير الدجاج= أمضيعن صيدته العصر في عجته
عبدالله غازي:
الأكبر أيات ضلع الخال وألا سواج = صحيح ما يسلم الروقي بلا رجته
أنته مقدم مع أهل الشون وألآخراج = وادجت اللي تعزوا فيك وآدجته
حبيب العازمي:
ياراع الضلعه اللي حول عدن هماج =إن كان قلبك يسج الهم من سجته
مادج من يعتزي فيه ولاني بداج = وأنته كما اللي تروح الناس عن صجته
عبدالله غازي:
هذا تسمونه الميقاف وألا الحراج =والناس يقلون شق الصدر من فجته
أنته تحاول على المعراج والإنعراج=ما عرف وجه الخجول إلابعد خجته
حبيب العازمي:
تراي ما عاد لي فكثر علومك مزاج= والناس لن ذاقت الما مختلف بجته
اللي يجي فالحرج يصبر ليوم إنفراج= واللي ذلوله سبوق إليا شرد نجته
عبدالله غازي:
اللي مكلف على ميراج طير وراج = والأحزمه لو ربطها مات ما نجته

بعدها رباعي موال فلاح وسوار الذهب مع حمدان وحبيب وكانت حاااميه بين حبيب وسوار الذهب شعر بمعنى الكلمه كنت أتمنى أعرف لتنزيها فالنت لأنزلها فيديو ، مير تكفون اللي فاهم فالتنزيل يبذل مايقدر عليه . والله يسوار الذهب مدرسه شعر وأنا أعده أستاذي وقدوتي في شعر المحاوره والنضم.
ــ
وفالنهايه أخواني في منتدى الموازين أبو غازي أعده خليفة شليويح بن شلاح في ميادين المحاوره دون قصور فالباقين ،وبيض الله وجهكم على هذا الملتقى ومجملين والغايه وحده .

بارك الله فيكم تقبلوني أبن عم وضيف في هذا الملتقى أدام الله على الجميع الصحه والعافيه.

مع تحـــيــات
ماجد عبدالله عبيد الشلاحي