يابنت لالا تفهميني غلط قط = انا بحر عائم بعيد المرافي
ماني كثير لهرج كله منمط = اجذبك وارميبك بطعس الفيافي
انا على مبدأ الوفا ما اتخبط = الجزله اكسبها والاخرى خلافي
عشقي عسل صافي على الكبد ينحط = والذ من ذوب العسل شُهد صافي
ارقا بنفسي عن فتاةٍ تسلط = ماتعرف احساس القلوب الولافي
واشري هوى اللي تشبه الطيب لاعط = غرامها للنفس مثل العوافي
ماتعشق ارياح البخور المخلط = معشوقها من فائح المسك صافي
هذي حياتي قبل لا فوقك اغلط = تعجبك والا كم غيري سنافي
لاتقولي ان الحب مؤلم ومنحط = لكن قولي فيه صار اختلافي
كم عاشق بحب العذارى تورط = وكم عاشقه تعشق من اجل الحفافي