منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر /متعب الزنغوب (http://www.almouazeen.com/forumdisplay.php?f=155)
-   -   قصيده :في ابل ابن دعيج (http://www.almouazeen.com/showthread.php?t=37358)

متعب الزنغوب 17 - 12 - 10 12:11 AM

قصيده :في ابل ابن دعيج
 
بسم الله الرحمن الرحيم


هذه القصيده في منقية الشيـــــــــخ / جلــــوي أبن دعيج الميزاني
أحد المشاركين من قبيلة مطير في مزاين ام ارقيبه..


حان الوعد والبوش جاتك مناحير= وكلاً ورى بوشه يحصل مرامه
في حزتن فيها تضيق المعاذير= حاضر بحاضر سجلو بالعلامه
لاكن جتك مطير ياجاهل مطير = اهل الشجاعه والفخر والشهامه
روس الرجال اللي تكف الطوابير= كسابت الطاله نهار الزحامه
اهل البكار المكرمات المصاغير= اللي نهار العرض ترفع مقامه
رثم الخشوم ام الرقاب البواتير= سبحان خالقها مشي غمامه
وام المهادل والعيون المناظير= هاماتها تفرق على كل هامه
بنات هرشن مايجي فيه تقصير=نادر وندر حولن من سنامه
بالمركز المعروف مافيه تاخير=ضمن الاوايل سجلوا من نظامه
هذا ولد ميزان يفرق عن الغير= ابن دعيج اللي يزيد احترامه
راع الوفاء راع الدلال المباهير= ابو هلا راع الفعول الجسامه
من روس عبد الله زحول المشاهير = الطيب ساسه والمراجل حزامه
مشعل دعاهم من جميع المقاطير = والبدو جاتك من جنوبه وشامه
يالله عسى عمره سنين وتباشير = ويحمى وطنا بالامن والسلامه
ويبقى الرجال اللي على العزوالخير=حكامنا ال سعود ساس الزعامه

الشاعر/ متعب عايض الزنغوب..

ابن الشاعر 17 - 12 - 10 03:50 PM

رد: قصيده :في ابل ابن دعيج
 

هذا ولد ميزان يفرق عن الغير= ابن دعيج اللي يزيد احترامه
راع الوفاء راع الدلال المباهير= ابو هلا راع الفعول الجسامه
من روس عبد الله زحول المشاهير = الطيب ساسه والمراجل حزامه


صح لسانك ياخوي متعب الزنغوب
وبيض الله وجهك على هالجزله
ويستاهل ابن دعيج ماكتبت فيه
.

ولد الشمشم 17 - 12 - 10 10:12 PM

رد: قصيده :في ابل ابن دعيج
 
صح السااااااااااااااااااااااااااااااانك

أبن مصاول 17 - 12 - 10 10:22 PM

رد: قصيده :في ابل ابن دعيج
 
صح لسانك يا أبو عايض وجزلة في رجل جزل وفاله الفوز إن شاء الله..

وقد قرأتها وأستمتعت بقرأتها فصح لسانك واعتلى شانك

ذيب العريق 18 - 12 - 10 11:09 PM

رد: قصيده :في ابل ابن دعيج
 
متعب الزنغوب

ابدعت في طرحك للقصيده ووصفك للأبل وابدعت في مدح احد ابناء القبيله المشاركين وهذه واجب علينا كاشعراء وواجب علينا وعلى اي مطيري التمجيد والفخر بهذه القبيله وابناءها المشاركين في جائزه الموحد للأبل في ام رقيبه وفالهم الفوز وابن دعيج يستاهل تحياتي لك يامتعب الزنغوب

متعب الزنغوب 18 - 12 - 10 11:10 PM

رد: قصيده :في ابل ابن دعيج
 
ابن الشاعر صح بدنك ومشكور على المرور وبيض الله وجهك

متعب الزنغوب 18 - 12 - 10 11:11 PM

رد: قصيده :في ابل ابن دعيج
 
ابن مصاول الف الف الف الف الف شكر

متعب الزنغوب 18 - 12 - 10 11:13 PM

رد: قصيده :في ابل ابن دعيج
 
ذيب العريق شكرا على الكلام الطيب وابن دعيج يستاهل

ملكة القوافي 19 - 12 - 10 04:26 PM

رد: قصيده :في ابل ابن دعيج
 
صح لسانك أخوي متعب الزنغوب

الحربيه 19 - 12 - 10 05:53 PM

رد: قصيده :في ابل ابن دعيج
 
صح لسااااااااااااااااااانك
ابدعت
قصيدة مميزه وسلمت يمينك


الساعة الآن 06:26 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها