ياصاحبي عذبتني وش باقي = ما فيك لا رحمه ولا ماويه
الصبر بعض أحيان ما ينطاقي = وأنا صبرت أكثر من اللي فيّه
ان كان ناوي يالحبيب فراقي = كلمه وقلها بالصراحه ليّه
الناس غيرك ما تهز أشواقي = وأنته ترى لك كامل الحريّه
لو قلت أنا أحبك من الأعماقي = حسنتك يلحق من وراها سيّه
مدري بتعذيبي وش أنته لاقي = خليتني ما بين ذيك وذيه
حتى لو أنك تنقض الميثاقي = تراك ما تملك عصا سحريه
لا تحسبنّي منك صدري ضاقي = ماني من اللي يخلفون النيه
اليوم عزّلت وطويت أوراقي = رح روحت اللي ما بعدها جيه

رائعه من روائعك يابو خالد وصح لسانك ملايين

الناس غيرك ما تهز أشواقي .... وأنته ترى لك كامل الحريّـه

.

المشاركة الأصلية كتبت بواسطة علي حميدان الدجيما (المشاركة 494642) صح لسانك ابو خالد ويسعدني ان اكون اول من يرد ويطلع علا قصيدتك الشامخه الله يعطيك العافيه تقبل تحياتي وتقديري يابو خالد

صح بدنك اخوي ابو حسين وياهلا وغلا فيك

أسعدني مرورك لاهنت

تقديري لك