سوار

كل ماهب الهواء ينثني غصنن رطيب = صارت الدنيا بسيطه على خدامها

تطرب العشاق من سمع صوت العندليب = اعرف البدوان قدام اعرف اخيامها


عبدالله

كل ماهب الهواء ياعجايب ياعجيب = بارك الله فالجزيره وفي حكامها

ابشر اني ماتسمع مسيقه يا الحبيب = فزعتي بالسيف فى شرق الارض وشامها


سوار

كل عينن مرقبه فوقها عين الرقيب = تضرب الامثال وانته عليك احكامها

خالها من جدها ماعلى البيدا غريب = وان بغيت اذكر حرمها نسيت احرامها

ابن عتقان

فيه كلمه يا المطيري تودي ماتجيب = والرياجيل الغشيمه تزل اقدامها

انقطع منك الرجاء وانقطع منك النصيب = ليه مريت المعابد وشفت اصنامها

سوار

ان عصبت الراس يظهر عليك اميت طبيب = يمدحون اسليم وهيه ضعيف اسلامها

اه من عينن بها ماتشوف الا القريب = تدعي بمنظمه ماتعرف انظامها

ابن عتقان

صحبتن تبقى وصحبه عليها اعمل صليب = يمدحون مطير ويخالفون ايمامها

انت لو انك مثل فيصل العيه لبييب = كان نص مطير تركز عليك اعلاامها

سوار

يومكم جمعه ولا فيه للجمعه خطيب = القلوب اللي عماها يضيّع عامها

ضاعت الاصوات بين المنادي والمجيب = كلها وش كلها خشمها وزمامها

ابن عتقان

انت من دنياك شيبت قدام المشيب = اطلب ان الله يسهل عليك اختامها

خبّر المطران نسمع وراهم صوت ذيب = انت لاتبرا القوافل ولا قدامها

سوار

انت عبدالله ليا قلت ماشاءلله تجيب = وش تكون سليم بصيامها وقيامها

مانعد الفصل الاول من الاصل العريب = من متى شالتك بقعاء على صدامها

ابن عتقان

حاضر السلمان زاهر وماضيهم رهيب = وش تكون مطير لولا كثير ازيامها

ان تعلت فالجبل وان تردت فالشعيب = وانت من ناسن تحلم غريب احلاامها

يعطيك الف عافيه

تقديري لك

ضاعت الاصوات بين المنادي والمجيـب = كلهـا وش كلهـا خشمـهـا وزمامـهـا