***ريحانه***

صادفت لي بنت ينادونها أرياف= البارحه في سوق مول الرياضي
تمشي بجنز مضيق فوق الأرداف= وتحمل بيدها كيس وسطه مقاضي
والصدر فوقه لبس فاضح وشفاف = وشفايفه جمر غداله تلاضي
والشعر الأشقر ناثره فوق الأكتاف = وخد مع الحمره زهاه البياضي
طالعتها وأنا هواوي ومي لاف= وجيت آتغاضا بس وين التغاضي
لبيه ينهود على الصدر وقاف= ولبيه ياذيك الفخوذ العراضي
ولبيه ياعين بها الموت ينشاف= تقضي على العشاق من دون قاضي
والخشم سيف حامله كف سياف= والعنق عنق اللي ترب الفياضي
والجسم غض وغاديله تغرياف= ريحانة بين النخل والحياضي
هويت ذاك الزين وأسرف بي اسراف= وأنا على ماصابني منه راضي
واليوم قلبي غادي فيه خفخاف= كني غليث وشاف له برق ناضي
أعوي عواء ذيب على راس مشراف= ذيب ضواه الليل والبطن فاضي
دنياي من دونه رخيصه وتنعاف= وكن الحياه بدونها فعل ماضي
قلبي عليه من الوله يرجف إرجاف =وليا تذكر خدر الأعيان جاضي
وأن مت أنا ماني من الموت خواف= وأمر القدر مالي عليه إعتراضي
وكاني رحلت وغاب نجمي يانواف= إنشر وفاتي في جريدة عكاضي
من شان تقراء قصتي بكره أرياف= اللي تنفذ حكمها دون قاضي

(شاعرالغربه/شبل عصيم الميزاني)