|
من لا يقدر خوتك لا يصاحبك
يالاّدمي مالك عذر دون واجبك =وانته بوسط المجتمع لك كيانيك محد(ن) على طرد المخاليق غاصبك =تدخل بشان الناس وتكب شانك قول الكلام اللي تشوفه يناسبك=قال المثل ترى لسانك حصانك حاسب لسانك قبل غيرك يحاسبك =صونه يصونك وان تهاونت هانك ماهو بعيب اقدام رجلك تزلبك =ترى المصيبه زلتك من لسانك بعدك عن اهل المصلحه من تجاربك =خلك مع الطيب وتعرف مكانك خويك اللي وقفته معك تعجبك = أفزع معه لو يتردى زمانك تلقاه وقت اللازمه مايخيبك = لحتاج عنته وانت لحتجت عانك جنب عن اللي ماتهمه مصايبك =دور على اللي لاقساء الوقت صانك اللي يطبّلك بسرعه يجنبك =لونك تحط الثقه فيه خانك من لا يقدر خوتك لا يصاحبك =حتى لونه واحد(ن) من خوانك |
رد: من لا يقدر خوتك لا يصاحبك
قصيدة قمة بالإبداع صح لسانك أخوي الحميدي بن فارس الميزاني
|
رد: من لا يقدر خوتك لا يصاحبك
يا سلام سلم شاعر عذب ولا يختلف عليك اثنان
صح لسانك يا أبو خالد وبيض الله وجهك ولاهنت يالقرم |
رد: من لا يقدر خوتك لا يصاحبك
اقتباس:
صح لسانك يابو خالد على هذا النص |
رد: من لا يقدر خوتك لا يصاحبك
قصيدة رائعة تضاف لروائع الشاعر الكبير / الحميدي بن فارس بن مصاول بن مدلج الميزاني , وكل بيت فيها عبارة عن قصيدة لوحده ...
صح لسانك يا أبو خالد وتغيب ,,,تغيب ثم تأتي بجزل القصيد اللـي يطبّلـك بسرعـه يجنـبـك=لونـك تحـط الثقـه فيـه خانـك
من لا يقـدر خوتـك لا يصاحبـك=حتى لونه واحـد(ن) مـن خوانـك والله انك صادق , وما اكثرهم هذه الإيام |
رد: من لا يقدر خوتك لا يصاحبك
صح لسا نك يابوخالد على القصيده الجزله
|
رد: من لا يقدر خوتك لا يصاحبك
صح لسانك شاعرنا ابو خالد انا اضيف نفسي لصوف المعجبين بقصائدك
وانت استاذ والخبره تلعب دور كبير في اغلب قصائدك تعرف من اين تؤكل الكتف تقبل اعجابي |
رد: من لا يقدر خوتك لا يصاحبك
اقتباس:
صح بدنك اختي ملكة القوافي تحياتي |
رد: من لا يقدر خوتك لا يصاحبك
اقتباس:
|
رد: من لا يقدر خوتك لا يصاحبك
صح بدنك ابو راكان والله لاايهينك
|
| الساعة الآن 04:54 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
