منتديات الموازين الرسميه

منتديات الموازين الرسميه (http://www.almouazeen.com/index.php)
-   أخبار الشاعر عبدالله غازي ومحاوراته وقصائده الكتابية (http://www.almouazeen.com/forumdisplay.php?f=126)
-   -   سوار الذهب وحليف الجن (http://www.almouazeen.com/showthread.php?t=46219)

الجهات الاربعه 07 - 05 - 12 12:18 AM

سوار الذهب وحليف الجن
 
عبدالله الميزآني
سلام ياهل الديار اللي عوا من دونها الذيب * * بني فهم موقفين البحر عن ساحل تهامه
اشوف بعض العيون اللي كما روس المشاهيب * * لكن مدري ظفر والا تطيش من الرخآمه

عبدالحميـد الفهمـي
يامرحبا ياهلا ياضيف في حلة معازيب * * والا فهم يالمطيري في جبين المجد شامه
ياجار يثرب عليك الهون مايلحقك تثريب * * مير احمد الله ياعبدالله ليا جات السلامه

عبدالله الميزآني
الروح صيده على شان المنايا والمخاليب * * عسى فهم ماتجيب اخبار عن يوم القيامه
انا ادري إنك مربع في محاجي ضلع وشعيب * * بس اكثر احيان ماتصلح عليك الإبتسامه

عبدالحميـد الفهمـي
الروح ماصــادها غير المنايا والمكاتيب * * ولا القيامه لها يالشيخ عبدالله علامه
حنا نلومك ليا ضليت في صف الأجانيب * * وانته ولد عمنا نبغا نلبسك العمامه

عبدالله الميزآني
انتم دقوناً تواما في الحجاز وروس اشانيب * * واطيبكم اللي يشوف البرق ويطوي خيامه
ماني مصاحبك حتى نص راسك يمتلي شيب * * واليا نحرت الجمل والله لا أعشيكم سنامه

عبدالحميـد الفهمـي
حنا دقوناً بعيده عن علوم الشك والريب * * ماني معاتبك والمكلوم بين من كلامه
العاده الجاهليه ضيعتك من الاصاحيب * * لكن ياللي جلبت شعيل لا تفلت خطامه

عبدالله الميزآني
إليا لقيت الحرار اللي على روس المراقيب * * يروح شاعر فهم يرقد وبقشه في حزآمه
ماهو بدايم تبى تطلع عليك الشمس وتغيب * * والله ولا علم ياقف بك على باب الندامه

عبدالحميـد الفهمـي
يامسبل الثوب لو ننصحك عن بعض الاساليب * * تدري ان عود السلم ماهو كما عود الثمامه

حمّاد العبيوي 07 - 05 - 12 09:37 AM

رد: سوار الذهب وحليف الجن
 
ياسلااااااااااااااااااااااااااااااااااام .

اشبعت ذائقتنا الشعرية بهذه المحاورة الرائعة جداً .

ماذا أقول في ابو غازي الا أنه بحر الشعر الذي لاشاطئ له , كذلك الفهمي في طريق الإبداع ايضاً وثنائيته مع ابو غازي ستشكل له إبداع إضافي .

العبدالله 21 - 05 - 12 04:30 PM

رد: سوار الذهب وحليف الجن
 
ماشاء الله على المعنى القوي وخاصه من اسوار الذهب

يقدركم 27 - 05 - 12 10:58 AM

رد: سوار الذهب وحليف الجن
 
لن اتكلم عن الشاعرين لأنهم مايحتاج نضيف إبداع اكثر مما فعلوه

ولكن اشكرك علي النقل


الساعة الآن 11:28 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها