البارحه كن الصدر فيه شباب=من بطن ابو عطفه وكف انتحاري
طلع وشاف ابوه طايح على الباب=مضروب في قرنة حجاجه بناري
ويشوف خصم ابوه يركض ومنصاب=مطعون في جسمه بعدة شباري
يبا الهجيج ومنعثر واكل اتراب=ويقول ليت العود ماله مثاري
ورجع وخذ رشاشه اللي بدولاب=ويقول كانه راح ماني مطاري
ويوم انتبه واليآ عكفان الاشناب=عنده ثلاثه من جنود الطواري
وسدد برشاشه عليهم ولاهاب=لين اتركو خصمه لحاله جباري
وعطاه بالرشاش لين الفشق ذاب=والدم فانحا الجسم جاله مواري
وخذ قضاه وطاب حضه ولا طاب=من يقتل المسلم مصيره نياري
والموقف اللي لرياجيل غصاب=مثل هذا فيه القتال اضطراري
وانا يجيني داخل الصدر نتاب=وقوم من نومي بدون اختياري
والمشكله طيف(ن) له اسنين ماغاب=وسبب نزيف الجرح والجرح باري
طيف الهنوف مسببآ حرب الاعصاب=لا نامو اهل العافيه جاك ساري
ماكنت اصدق ذا بلا بوك ياعقاب=حتا جرالي من هوا الغيد جاري
والخصر ولا الردف والموت الاهداب=هاذي سبب شكواي يابو مشاري

يابو حسين على هالقصيدة الجزلة

المشاركة الأصلية كتبت بواسطة ماجد محمد القحم (المشاركة 432744) الله الله صح لسسسسسسسانك يابو حسين جزل ولايجي منك غير الجزل ..تقبل مروري وسجل اعجابي

المشاركة الأصلية كتبت بواسطة الخافي اعظم (المشاركة 432748) صح لسسسسسسسسسسسسسسسسسسسسسسسسسسسسسسسسسسسسسسسسسسسسانك يابو حسين على هالقصيدة الجزلة

المشاركة الأصلية كتبت بواسطة الدولي (المشاركة 432788) قصيده رائعه من شاعر رائع وصح لسانك يالدجيما