منتديات الموازين الرسميه - يــــــــــــــــــارب..

منتديات الموازين الرسميه (http://www.almouazeen.com/index.php)

- شــــعـــراء منتديات الــمــــوازين (http://www.almouazeen.com/forumdisplay.php?f=17)

- - يــــــــــــــــــارب.. (http://www.almouazeen.com/showthread.php?t=36517)

يــــــــــــــــــارب..

اخواني واخواتي اعضاء المنتديات السلام عليكم ورحمة الله وبركاته ،
اولا احب ان اقدم لكم اسفي عن الانقطاع الذي حصل من قبلي عنكم بغير رغبة من مني ولكن لكثرة مشاغلي
فارجو منكم قبول عذري
اقدم لكم اليم قصيدة جديدة وهي تتحدث عن نفسها عسى تنال رضاكم

اقول:

يارب نفس صبرها هدّ حيلها=من همها اصبح صبحها مثل ليلها
يارب نفسي ياوديع السراير=باعتني لقاح الليالي حصيلها
اليا سرح هم ضوى هم غيره=يدّن راعدها ويمطر مخيلها
سحابة سودا كما ليلة الدجا=تنهب علوّ الارض مافاد سيلها
يصب ماها بس مايقطع الضما=تقبل وربي عالم وش بقيلها
يارب تجعل ماحصل لي مغفرة=من الذنوب اللي عجزنا نشيلها
محايل تعجز على شيلها الحيل=في ضف سوداً قام يومي شليلها
الادمي مخلوق مايعرف الخفا=والاقدار عسكرها على ضهور خيلها
من يامن الدنيا يفاجيه غدرها=تحجّه بحجه ماعرف وش دليلها
تجهز عليه بحجة جاهلية=تطوُىَ عدالتها تحت خف ميلها
تغطّي مغرّتها على حسن وجهها=تبدي مفاتنها وترخي جديلها
تجرنا في سكة الغي والهوى=دقت خلاخلها تشوّق خليلها
نسج باحلام بعيد مداها=من كثرها مانقتنع في قليلها
فتنة ومضمون الفتن غفلة الفتى=عن وقفة كل البشر تحتسيلها
هذا وانا بالوضع داري ومقتنع=حسيت ميزان الدعاوي لكيلها
لي في ميادين التجارب تجارب=اكب الخطا والمخطية ماآعنيلها
على شان راع المخطية قاصر الخطا=نفسه محاصيل الردى من حصيلها
عزّي لمن تقصر نعم دون شاربه=القاصره تنصاه لو مايجيلها
وروده مشاكيها ضماها يضيمها=عن بارد الجمّة يحدّه نثيلها
والطيب والمعروف والعرف قسمنا=ناخذ من خيار المعاني جليلها
وللطيب بيت منزله عالى الحجا=يذريه من وصل الاصاله وآصيلها
كبرنا تحت ظله وسرنا بهيبته=على عزّة يشعل قبسها فتيلها