منتديات الموازين الرسميه

خط الجواب ولخص العلم تلخيص
واكتب مثل ما قولك والعجليا
حلو السلام بدون عدن وتخصيص
وازكا تحيه در بكر وعسليا
واذكر في طياته جميع التباخيص
لنابه اذكرها من الالف لليا
لي هاجسن ماغير للعيد خصيص
يخصني في شارفة كل عليا
كنه يشخصلي مشاكي تشخيص
عسى اتداركبه طريق الزلليا
صبرت صبر محص القلب تمحيص
عزالله انه فالي القلب فليا
كن الفؤاد يلدغنه قواريص
متخالط فيه القزا والزمليا
واكافره لا يكسر الغالي رخيص
حيث ان غيض القلب مثل الجهليا
كني دريك يجاذبنه تباليص
في مهمهن هلكان يابس بلليا
مغير اسودن والعزايم مخاليص
لو تستمد من المحيط اضمحليا
واللي على مابي يزيد النواغيص
عيدي ربيعي في ديارن محليا
والله رمى بي من ورى قديد واخليص
بالغرب عن عسفان مجنب ثوليا
من حرة سودا سوات المفاريص
ارضن صباخي وللمدوج وحليا
وراع الولع ليا جت احتون المقانيص
اما افتلك وإلا مرض وانهبليا