لاشفت صاحبك صد وخاطره مايباك=أقصر حبال العتب لاتحرجه بالعتب
لابد ماتكشف ظنونه وماك بسماك=مصير الايام ترخي كل رأسٍ صعب
لا تظلم الناس ميًز بين هذا وذاك= ماكل معدن نحاس وكل معدن ذهب
لاصار ماهو بخوك من أم وابوه أباك=وشيء يربطك به زياده عن معزه وأدب
للنفس مقدار ودً وهات في مستواك= لا تنخدع مايديم الطول طول الكعب
ولا تجرح الي يصد يصير نقمه علاك=العفو لا كنت قادر من سلوم العرب
قصيًر الشًبر خله هو وشبْره وراك=العين يرحم نظرها ظل ضافي الهدب
ومخيًل البرق لا زانت بروقه نساك=أقرب مثل يقتدي به أكل حب العنب
لاقال أنا أغليك قلًه ميتٍ من غلاك=قدام لا ياصل الحذف البرئ للركب
وإن لمً وجهه وعبًس باعك ولاشراك=نكبك باسهل وسيله والاهو منًكب