منتديات الموازين الرسميه - محاوره من رباعيه بين الشاعرين عبدالله الميزاني ومستور العصيمي

منتديات الموازين الرسميه (http://www.almouazeen.com/index.php)

محاوره من رباعيه بين الشاعرين عبدالله الميزاني ومستور العصيمي

عبدالله الميزاني :

مرحبا ترحيب ياقف على باب السحاب = الحلوق يبلها والدروب يدلها
يالعصيمي لوتعدي على روس الهضاب = انت يمكن نصها بس ما هو كلها
مستور العصيمي:

البقا واعداد ماهل همال السحاب = كل ما ياقف شهر شهر ثاني علها
انت رجالأً مثقف وتقرا لك كتاب = اقرا منها سطر يداً والأخرى خلها

عبدالله الميزاني:

حي فوق الارض وان مت من تحت التراب = مير اقول احسن لك الشمس والاظلها
ماحصلي غلب والقلب غير الانقلاب = لاتغير دلها خلها في حلها

مستور العصيمي:

ياحليل الطيّب اللي يغلّق كل باب = يحتزم بالغاليه والسيوف يسلها
كان ماخليت قلبك مثل قلب الغراب = رجت لك في دل ناساً غريباً دلها

عبدالله الميزاني:

مانقول إنك على جنب ياحضرة جناب = بس لا تعدي لها يوم ثم تغرم لها
يالعصيمي عارفين السحاب من السراب = والله اعلم في دقاق العلوم وجلها
مستور العصيمي:

وقعت في راس ابو زيد والا في ذياب= من طمع في دار قوماً يبي يحتلها