منتديات الموازين الرسميه

منتديات الموازين الرسميه (http://www.almouazeen.com/index.php)
-   أخبار الشاعر عبدالله غازي ومحاوراته وقصائده الكتابية (http://www.almouazeen.com/forumdisplay.php?f=126)
-   -   قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء ) (http://www.almouazeen.com/showthread.php?t=46226)

حمّاد العبيوي 07 - 05 - 12 08:32 PM

قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء )
 
لولا هذيل يهمّش التاريخ واللي فيه فيه = ولولا هذيل المجد يدخل قبر ويصلّى علاه
ولولا هذيل يجول فالميدان من لايحتميه = ولولا هذيل تغيّر الحجه ويفنون القضاه
أقولها وهذيل صبحٍ منجلي ماله شبيه = وهذيل من يقدم على سد المواقف ويحماه
أهل مقام وصدر مجلس مايجي فيه السفيه = روس الرجال اللي مشاهدهم نواميس وغناه
حتى أبنهم يجي مثل خاله مثل جده وأبيه = والحي مايضفي على صدر الحياه الا حياه
حرار من راسٍ على حد السماء ماأحدٍ يجيه = والله ليا فضّل وسوى شئ مامثله سواه
أهل الشجاعه والكرم والطيب والعلم النزيه = وعلمٍ وراه هذيل ماشئٍ يحده ويحداه
أنا قريت أفضل كتب تاريخ فيما تحتويه = هذيل غير وكل مخلوقٍ ماربه عطاه
أبناء الصحابه يعرف التاريخ رجلٍ مانسيه = فريّس تلزم مرهف الحدين وتروي شباه
بوارديه يوردون الماس حمّاية وجيه = في يوم من حظه نصيح يصيح والدم يغشاه
وكان العرب فريّس شعّار ولهم ديوان ليه = وهذيل في ديوان واحد يعرفه رجلٍ قراه
يعني هذيل أكثر فروسيه شعر وأمرٍ وجيه = من فضل حكمة مقتدر قادر ولاربٍ سواه
ويامن جهلت أيش اللغه طالع كتاب لسيبويه = تلقى هذيل أهل اللغه يرون شئٍ ماتره
بايع على الطيّب هذلي وتحصّل اللي تمتنيه = كل هذليٍ يفعل المعروف مادور جزاه

ابن الشاعر 07 - 05 - 12 11:20 PM

رد: قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء )
 
صح لسان ابو غازي ويستاهلون هذيل المدح
ولاهنت ياحماد على نقلك للقصيده
.

أبن مصاول 08 - 05 - 12 12:25 AM

رد: قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء )
 
قصيدة رائعة من شاعر فحل ولا يجاريه إلا القلة من الشعراء فصح لسان أبو غازي وتستاهل هذيل المجد والتأريخ والشعر والبطولات ...

لا هنت على هذا النقل وعلى هذه الدقه في نقل الكلمات بدون أخطاء أخي حماد

العبدالله 14 - 05 - 12 11:44 AM

رد: قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء )
 
صح لسان ابو غازي شاعر مدرسه من مدارس الشعر الحقيقي وكذلك قبيلة هذيل الخنذفيه يستاهلون هذا المدح

راع الجدعاء 12 - 08 - 12 05:41 AM

رد: قصيدة ابو غازي في مدح قبيلة هذيل بمناسبة زواج صديقه الشاعر ( فارس الصحراء )
 
صح لسان
سوار الذهب

ومشكورين على النقل


الساعة الآن 08:42 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها