السلام عليكم ورحمة الله وبركاته

على اثر خلاف رحل برجس بن دعسان الدويش إلى قبائل الشمال
فنزل عند احد مشايخهم والكل لا يعرف الثاني
فسلم برجس على الحضور وقال وين الشيخ
فأشروا له على الشيخ , ولا يحتاج لذكر اسم الشيخ منعاً للحزازيه واعتقد الكل يعرفه
فوجه برجس سلامه للشيخ فلم يرد الشيخ عليه وكرر سلامه له مره ثانيه ولم يلقى رد
وكرر سلامه للمرة الثالثه وقال الشيخ لعبده ( يا دليم قله هلا )
وهذا الرد غريب على قبائل الجزيرة العربية وخاصه قبيلة مطير والمعروفه عنها بالكرم والشهاميه للضيف وبدون نقص في جميع القبائل
فزعل برجس من رد الشيخ ورحل من عنده
وقال قصيدة المعروفة :

يا اهل النضى حذرا تطرون قامه = شيلوا عليهن طلعت الشمس ماشين
ياليتني جنبت خازن سلامه = اما هزعت يسار والا على ايمين
اما على الجربا مسفح يدامه = والا لخو بتلا سعوط المجانين
أربظ عن الدوشان ربظ النعامة = لا تحسب الدوشان شرب الغلاوين
من ياكل الدسمه يعاف الهلامه = ومن رافق الطيب يعاف الرديين
ومن ذاق ركب الكور عاف المسامه = ومن رافق الدوشان عاف (****)
ربعي على كل القبايل ردامه = على الرضى والا على غير راضين
وربعي اليا اخطى الراس لبس العمامه = اهل ماقف دائم على العسر واللين
ولابد من يوم يثور عسامه = ويقضى بها الديان من راعى الدين
يجيك شغموم خواله عمامه = يلحق على قبٍ تهبدك بالقين
توه صغير السن ماجا تمامه = ويدور النوماس عند المزايين
ورعٍ بري حاله معلق زمامه = مزيه سوء الموت والناس حيين
تقرش من هواته كما اقراش قامه = لاشابك ارشاها ودرّع بين دلوين

______________________
(1) الجربا / شيخ قبيلة شمر
(2) اخو بتلا / شيخ الشيوخ لقبيلة عنزه

بحث وتحرير
طقها ولحقها

ابن محيا تعافيت ويشرفني مرورك

االوتين لاهنتي ع المرور

شـكــ وبارك الله فيك ـــرا لك ... لك مني أجمل تحية .

تـقـرش مــن هـواتـه كـمـا اقـــراش قـامــه=لاشـابــك ارشـاهــا ودرّع بــيــن دلــويــن

في الشطر الثاني هناك حلقة مفقودة أما هي كسر من الشاعر او هناك حرف ناقص أو كلمة في غير محلها.

لا هنت على النقل الجميل أخي طقها ولحقها وعلى عدم ذكر أسم تلك القبيلة

اقتباس:

المشاركة الأصلية كتبت بواسطة أبن مصاول (المشاركة 451960) صح لسان الشيخ/برجس بن دعسان الدويش , والدويش عد ما قابله من هذا الشيخ الذي لم يرد عليه السلام وواضح ان موقفه موقف المتكبر .

المشاركة الأصلية كتبت بواسطة أبن مصاول (المشاركة 451960) لا هنت على النقل الجميل أخي طقها ولحقها وعلى عدم ذكر أسم تلك القبيلة

عطرة الموضوع بتعليقك الوافي ممايعطي القصه زيادتاً في في جمالها وهذا دليلا ع اهتمامك بالتاريخ

فلك مني اجمل تحيه وتقدير يابو ضيف الله

اقتباس:

المشاركة الأصلية كتبت بواسطة المهاوي (المشاركة 451993) سلام عليكم ورحمة الله وبركاته ... اشكرك على النقل المميز ..

وعليكم السلام ورحمة الله وبركاته

ارحب يابوعيد الطيب بوجودك وابادلك نفس الشعور يابعد راسي

شـكــ وبارك الله فيك ـــرا لك ... لك مني أجمل تحية .