|
الى شعراء الموازين ابيات للمجاراه ولغزً بسيط
في المنتدى شفت القصايد وغنيت=قصيد ربعً يحتمون التوالي وسلامتـكم..الشعر جيد والجماعه عناتيت=ومن دون قاصيهم يسد الموالي وقمت اتصفح شعر الاعضاء ومريت=وشفت التميز والبيوت الجزالي والله لو{ن} المعاني بتصويت=صوتله فالمنتدى لو الحالي بيتاً من اشعاره يساوي مية بيت=يامن يعرف اسمه وهذا سـؤالي |
رد: الى شعراء الموازين ابيات للمجاراه ولغزً بسيط
من امس انتظر ابي احد يرد بس محدٍ تجمل
هلا هلا حييت حييت حييت=يامزبني ياخال ياراس مالي ياصامل الوقفات ياذايع الصيت=ابوك مازن يا كريم السبالي مجري الذلان لا وردن هيت =وراعي كرم ومبهرات الدلالي مانشيت لك في صفحة العز ما نشيت=على الهضاب النايفات الطوالي وانته تقدر جيتي لك ليا جيت=والي على بالك يا ضني بالي ما تنسفه يامسندي ولك غنتيت=وأبديت مافي خافقي وانت غالي |
رد: الى شعراء الموازين ابيات للمجاراه ولغزً بسيط
الشاعر الرائع جداً مسند لقد اتحفتنا بهذه الأبيات الرائعه جداً وصراحة قمة في الأبيات وروعتها جاءت قوية من بدايتها الى نهايتها ..
بيتاً من اشعاره يساوي ميـة بيـت=يامن يعرف اسمـه وهـذا سؤالـي
والله المبدعين كثر هنا في المنتدى اخوي مسند وقصائدهم صراحة تتعبك في الأختيار بينهم ولكن أحدث القصائد الرائعة حقاً جاءت من نصيب الشاعرين أبو سعود وأبو سعود فمن هما؟؟؟وجاءت المجاراة من الشاعر المبدع أبو سعود وقد كانت كالمطر الهتان يسقى الأرض ولا يدمر الزرع , جاءت أبياته رائعه ومتلألئة كالنجوم في ليلة ضلماء فصح لسانه واعتلى شانه.. لله دركما وصراحة انني سعيد جداً -يعلم الله- بتواجد الشعراء المبدعين في منتدياتهم وهم ينشرون روائعهم ليقولوا للكل أبناء ميزان المبدعين شعرياً هنا... |
رد: الى شعراء الموازين ابيات للمجاراه ولغزً بسيط
والله يامسند ما فيه الا واحدن اعرفه واعرف قصيده زين وان ما خاب ظني جواب اللغز هو :
يامرحبا واهلين مليون حييت = في دار قوم ٍ صيتهم صار عالي يالشاعر اللي بالمعاني تغنيت = ارهيت في شعرك جميع الجزالي واجدت سبك الشعر بيت ٍ ورا بيت = واللغز جبته حل والحل حالي هذاك (متعب) راعي الطيب والصيت = يوم انت خاله كيف لا صار خالي؟ شاعر وله بالشعر جن وطواغيت = ولا يكتب الا كل جزل ومثالي مسعد بن مدلج |
رد: الى شعراء الموازين ابيات للمجاراه ولغزً بسيط
يامرحبا ياالي على الجد سميت=ابوك ملبس حي هاك المجالي باعك طويل وللمعالي تعليت=والعد مايرده قصير الحبالي من روس ربعاً فالملاقى عفاريت=حمايت العطفه نهار القتالي وانا افتخر بك يالبناخي الى الفيت=ارحب عدد همال وبل الخيالي |
رد: الى شعراء الموازين ابيات للمجاراه ولغزً بسيط
الاخ العزيز رئيس منتدى الموازين أبن مصاول تحيه طيبه وبعد ..
اشكرك جزيل الشكر على اهتمامك بالشعر والشعراء من ابناء عمومتك وهذا ليس غريب عليك وعلى اسلوبك الراقي وتشجيعك لأعضاء منتديات الموازين اكررشكري لك ولجميع اعضاء منتدى الموازين والقائمين على المنتدى تقبلـو تحياتي أخوكم { مسنـد بن مازن الميزاني } |
رد: الى شعراء الموازين ابيات للمجاراه ولغزً بسيط
الاخ مسعد بن مدلج تحيه طيبه وبعد .. ا
مشكور على الابيات الاروع من الرائع والمعذره فالرد حيث اني مشغول اما بالنسبه لموضوع الغز معذرتا فاني سوف اتحفظ عليه لبعض الوقت ولك مني جزيل الشكر يابن مدلج تقبل تحياتي . |
رد: الى شعراء الموازين ابيات للمجاراه ولغزً بسيط
صح لسنتكم جميعا وقصيده رائعه اخوي مسند وردود جميله من ابن العم متعب ومن البناخي مسعد
ولاهي غريبه عليكم فانتم من ابناء ميزان والشعر موروثكم وتقبلوا مروري |
| الساعة الآن 01:00 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
