منتديات الموازين الرسميه

منتديات الموازين الرسميه (http://www.almouazeen.com/index.php)

- ديوان الشاعر/سعود بن مجاهد بن مدلج (http://www.almouazeen.com/forumdisplay.php?f=163)

- - اهب يالفقر (http://www.almouazeen.com/showthread.php?t=37885)

اهب يالفقر

السلام عليكم ورحمة الله وبركاته
اليكم هذه الابيات وتعبر عن نفسها

اهب يالفـقـــر مابــــــه للـــرجـــال احتـــرام
....................................... لاصـــــابله نـــاس غيّر مـن مقاماتها
حتى اقرب الناس مايـفــشي عليـك الســـلام
....................................... اللي منّــــول تـــوريــك ابــتسامــاتها
فعيــــونهم وانــت فـقــري مالــك ايــة مقـام
....................................... الله يلعـــن معـــــرفتــــهم وســاعاتـها
ناس(ن) لاجت حزة الفزعة سوات النعـام
....................................... مـن هـرجـها تعـرف اهـممها ونياتها
لــو ان قــســمك مع اهل القْسم راس السنام
....................................... لاصــرت فـقـران بـانت لك معاداتها
احــيان لـو مــانت قــادر يلحــقــونك مــلام
....................................... وفـعـــولـك الاوّلـه تـحــفّـظ مـلـفـاتـها
واللــي معــه مال له تقــدير لــو هــو خمـام
....................................... عــبّـادة المــال تـفـرش لـه مـحـلاتـها
والمــال عنــد الضــعيّــف والله انـه حـــرام
....................................... رزوه بالمــال ولا المــرجــلــه فاتها

وسلامتكم

رد: اهب يالفقر

اهب يالفـقـــر مابــــــه للـــرجـــال احتـــرام
لاصـــــابله نـــاس غيّر مـن مقاماتها

صح لسانك ياسعود على هالقصيده الطيبه من طيب راعيها

ويعطيك الف عافيه .. وبنتظار كل جديد منك

رد: اهب يالفقر

الله الله

صح لسانك يابو تركي

قصيده تحكي الواقع لمجتاعاتنا مع الاسف

فلله در حرفك الراقي بسموك

رد: اهب يالفقر

قصيدة اكثر من رائعه والذي زادها روعة هو موضوعها (الفقر) وفيما نسب لعلي بن أبي طالب رضي الله عنه أنه قال: لو كان الفقر رجلاً لقتلته.
فهو يؤثر على الأخلاق والسلوك ويؤخر عجلة التقدم في حياة الشخص الذي يعاني منه.

ولكن يبقى السؤال ماهو المقياس الحقيقي لنقول أن فلان فقير ؟؟؟ فالآن ولله الحمد لا يوجد فقير بمسمى فقير ولكن نقول : ذوي الدخل المحدود ربما هو التعبير الأصح.

وبديوي الوقداني يقول :

أيامنا والليالي كم نعاتبها=شبنا وشابت وعفنا بعض الاحوالي
المال يحيي رجال (ن) لا حياة ابها=كالسيل يحيي الهشيم الدمدم البالي

وقول حسان بن ثابت شاعر الرسول رضي الله عنه:

لقَدْ علِمْتُ بأنّي غالِبي خُلُقي
على السماحة ِ، صعلوكاً وذا مالِ

والمَالُ يَغْشَى أُنَاساً لا طَبَاخَ لهُمْ،
كالسيلِ يغشى أصولَ الدندنِ البالي

أصونُ عرضي بمالي لا أدنسهُ،
لا بَارَكَ اللَّهُ بعدَ العِرْضِ في المالِ

صح لسانك يا أبو تركي وقصيدة جزلة وتلامس هموم بعض الفقراء أو ذوي الدخل المحدود

رد: اهب يالفقر

صح لسانك يابو تركي وعز الله انك صدقت
المال خلا بعض حثالة المجتمع شيوخ
وعلى قولة المثل الفلوس ترفع الروس

رد: اهب يالفقر

اهب يالفـقـــر مابــــــه للـــرجـــال احتـــرام
لاصـــــابله نـــاس غيّر مـن مقاماتها
حتى اقرب الناس مايـفــشي عليـك الســـلام
اللي منّــــول تـــوريــك ابــتسامــاتها

صح لسانك أخوي سعود بن مجاهد بن مصاول

رد: اهب يالفقر

ابو تركي صح لسانك مليون ولا يسدون
قصيده رائعه وتعالج موضوع هادف اليوم الي مامعه مال
مايسوى ريال في عيون المساكين بس الرجل الطيب مايعيبه نقص المال تسلم يابو تركي

رد: اهب يالفقر

صح السانك أخي ابو تركي قصيده معبرة وتحكي حال المجتمع
فجميل أن يخدم الشاعر مجتمعة برسائل شعريه معبره وتلامس
هموم الناس ...شكراً لك وماقصرت.

رد: اهب يالفقر

صح لسانك اخوي

والله يبعد عنا الفقر

مقصرت يعطيك العافية

رد: اهب يالفقر

صح لسانك يابو تركي

مبدع بكل حرف كتبته

لاهنت يالقرم

وبنتضاااار الجديد