منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر /متعب الزنغوب (http://www.almouazeen.com/forumdisplay.php?f=155)
-   -   مرثية الامير نايف بن عبدالعزيز (http://www.almouazeen.com/showthread.php?t=46697)

متعب الزنغوب 23 - 06 - 12 09:36 PM

مرثية الامير نايف بن عبدالعزيز
 
لوالدموع ترد لاراح غالي=والله لفيض دمعتي وزعج الصوت

مير العمر محدود مابه جدالي=ولاينفعك يالعبد لافاتك الفوت

مرحوم يانايف رفيع المقالي=يالواعي الفهمان لاحلت اوقوت

وقفتك دايم مثل صم الجبالي=ورايك حكيم من الجبل صار منحوت

في الداخليه له بنود ومعالي=وبالامن ظم الامن مافيه مفلوت

ينعاه الاقصى قبل ينعى الموالي=حتى غريب الدار والامه خفوت

جته المنيه والاجل بالليالي=ولايشفع المخلوق له مال وبيوت

العبد مهما عاش عمره يبالي=هذا مسير العبد ميعاده الموت

وانشهد انه راح مابه مجالي=والفكر عقبه صار بالحيل مشتوت

يضيق صدري ياعرب لاطرالي=واخاوي الاحزان والصدر مكبوت

يامير ماوالله تفارق خيالي=بالذاكره يامير مازرت بيروت

عساك بالجنه مقرك ظلالي=في جنة الفردوس لك شان وثبوت

امين ياوالي على كل والي=نطلب له الغفران في فرض وقنوت

أبن مصاول 23 - 06 - 12 10:03 PM

رد: مرثية الامير نايف بن عبدالعزيز
 
صح لسانك أخي الشاعر متعب الزنغوب ورحم الله فقيد الشعب السعودي والأمه الأمير ولي العهد /نايف بن عبدالعزيز آل سعود


الساعة الآن 03:59 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها