منتديات الموازين الرسميه - محاوره غير عاديه...

مساكم الله بالخير ,,

كنا في رحلة انا ومعي اصدقائي وحصل موضوع بسيط بيني وبين أحد أصدقاي , وفي المساء طلب الصفوف ووجهلي هالابيات مع أني ماجيد اللعب ألا انها ولعت بيننا (ماللكم بالطويلة) أترككم مع المحاورة وان شاء تعجبكم....

راكان الحربي:

ياسلامي سلام رجل في وسط داره

للاصحاب اللي زايد عندي غلاها

المطيري ياجماعة ودي اخذ اخباره

والعلوم القديمة ليتناوالله دفناها
الشلاحي 503:

البقاء ياجار يرد السلام على جاره

وانتبه للنيران لاتجي في سناها

المطيري ابشرك مربع في دياره

وعلوم دياركم ياولد حرب عطناها

الحربي:

شغلنا يالمطيري فية ربح وخساره

ماتدوملنا العوافي لو إنا بغيناها
عشرة أيام جلستنا براس الزباره

خوتكم ياحمران النواظر شريناها

الشلاحي:

راكان لونه يتعذر ماقبلنا اعتذاره

صك ملف القضية ويجعللك تنساها

خوة المطران ترفع للرجل مقداره

يارجال من قديم الوقت ماعرفنا نباها

الحربي :

دار خويك يالمطيري الحربي داره

ترا الاخوياء دايم تداري اخوياها

ودك الرجل دايما ياخذ حذاره

نحسب ان الكحل لعين دايم دواها

الشلاحي:

انته الامير لكن مانت كفو للاماره

الامارة تبا رياجيل على مستواها

مرة في يمين الدرب ومرة يساره

سواتك هذي ماقبلك احد قد سواها

الحربي :

خذيتها يوم اني أثبت لها الجداره

وكلمتك هذية لابد ما تاخذ جزاها

ماذمك يامطيري وانت راعي نماره

والعلوم الردية ترانا مانباها

الشلاحي :

بشرتك بها وانته ماتبالي بشاره

نعنبو من قال كلمة وعود ماحماها

بعد ماعرفت الحروب اهل القواره

الله اللي يعز الاشانيب من لحاها

الحربي:

أنته طمعان فيها ياراعي النعاره

والرجال اللي سواتك قد لعنا ثواها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

اشكركم وسامحوني على الكتابة الركيكة...