منتديات الموازين الرسميه - رؤيا ارجو التفسير..

منتديات الموازين الرسميه (http://www.almouazeen.com/index.php)

- منتدى الرؤى مع أبوقتاده (http://www.almouazeen.com/forumdisplay.php?f=140)

- - رؤيا ارجو التفسير.. (http://www.almouazeen.com/showthread.php?t=37442)

رؤيا ارجو التفسير..

السلام عليكم ورحمة الله وبركاته

اليوم قبل العصر بشوي حلمت اني في الكليه وجالسه مع وحده من صاحباتي اسمها هدى جالسه جنبي وجالسه معانا وحده من البنات نعرفها والمكان الي جالسين فيه الظاهر الانوار فيه مو شغاله كلها الجو بين الظلام والنور المهم وهدى جلست تدور عطر في شنطتها بعدين هذي البنت اعطتها عطر وتعطرت وكمان كانت جالسه معانا وحده ثانيه نعرفها اسمها مديحه وانا كنت متضايقه من وجودها ولما سمعت ان هدى تبغى عطر قامت تجري واختفت فجأه ورجعت ومعاها عطر وفجاه جلست تعطر في هدى وتضحك بطريقه غريبه وهدى انفجعت من طريقتها وتبغى تقولها انها خلاص تعطرت وانا تضايقت وجلست اقول في نفسي ياربي الا بالغصب تبغى تتقرب من هدى وهي تعطر في هدى جاء من العطر على وجهي في الجهه اليمين جنب انفي وانا بسرعه قمت وانا متضايقه وصرت امسح في العطر بيدي اليمين وانفض يدي وكان العطر بارد وسائل (يعني كل ماامسحه وانفضه مايروح كانه مويه ) وبعدين كان فيه لوحة اعلانات على الجدار قزاز وانا كنت اضبط في شعري في اللوحه وبعدين جات مديحه وقالت يالله انا رحت وجيت وانت ماخلصت من شعرك ورديت عليها ياالله مالك دخل بطلي اللقافه وهي تضحك وتتصرف كانها ماخذه وجه عليه وانا قاعده اقول في نفسي صح باين لماقلت لها ذي الجمله اني امزح بس احس الكلمه طلعت من قلبي وطلعت حرتي ...انتهى
بس الي لاحظته على مديحه انها كانت مره نشيطه وتضحك وفرحانه وهي في الحقيقه هاديه

رد: رؤيا ارجو التفسير..

وفي نفس الحلم شفت نفسي عند باب الكليه وشفت نفسي في قزاز لوحة الإعلانات وإنتبهت في شعر في المنطقه الي فوق الفم وقلت في نفسي غريبه أنا متأكده أني نظفت وجهي من الشعر وانحرجت وبعدين فردت شعري على وجهي عشان يغطي على الشعر الي بوجهي وكان شعري كأنه مو ممشط ولونه بني وفيه كم خصله لونها ذهبي وكان فيه غره من قدام وكنت أكلم في وحده جنبي على اساس انها وحده من صاحباتي بس أنا ماشفت شكلها لاني كنت أطالع في شكلي في القزاز

_إنتهى وأنا في الحقيقه شعري مو كذا

رد: رؤيا ارجو التفسير..

هذي رؤيا للوالد قبل 3 ايام رأى انه كان يحلق ذقنه وبالغلط انحلق الجزء الي في الجهه اليمين كله وكان وجه الوالد ابيض وشعر ذقنه كان احمر على ذهبي وكان كثيف مره والوالد كان مبسوط على بياض بشرته وعلى لون الشعر وكثافته وبعدين حلق باقي شعر ذقنه.. انتهى

رد: رؤيا ارجو التفسير..

الرؤيا الأولى ترزقين صديقه فيها خير في دينها وخلقها فالزمي طريقها وهذه والله من أكبر النعم

رؤيا الوالد تفريج هم عنه والله أعلم