تـلــه ولا يـنـتــل تــلــت أعـنـوفــه=ولا عقب العـارض وراك وهويتـه

خـل المواتـر مـن وراك محـذوفـه=وزودلــه البنـزيـن ليـامـن زويـتــه

وللـخـط حــده لا تـنـاوش أكتـوفـه=وتـرى الطريـق ليـا صلبتـه طويتـه

وأمانتـك راعـي السفـاري يطـوفـه=مسـمـوح لـونـك بـرجـلـك كـويـتـه

عنه الهواء توحيه صوت معزوفـه=ثـم أحرفـه مـع خـط لبخـه حويـتـه

ذب النفـود ونجـد قـدمـك أحتـوفـه=ولا عقـب القرنـه وصلتـه وجيـتـه

أقلـط علـى اللـي مـا تعـدد ضيوفـه=غـازي سلايـل عـون قدمـك لفيـتـه

عطه الرساله عقـب تآكـل خروفـه=وأستأذن اللي يرفـع الـراس صيتـه

وليتـه يفكـك عـقـب مـوفـا حلـوفـه=والجيـب لـولا لازمـي مــا جنيـتـه

القـاف يطـرب يـوم غـازي يحوفـه=لـيـتـه يجـاريـنـي لـيـامـن دعـيـتــه

قيفـان شـعـرك يالعتيـبـي شخـوفـه=يــا حـلـو قـافـك يالشـلـي لانويـتـه

والشعـر لـه بيـن النشامـا طـروفـه=وأنـا بحثـت اللـي بصـدري كنيـتـه

الـعــام أزيـــن للقـصـيـده بـروفــه=واليـوم أسويهـا علـى الـلـي بغيـتـه

وأليـا هويـت القـاف مامـن كلـوفـه=كــم راح قـــافٍ للنـشـامـا نحـيـتـه

وبنـات فكـري فالقصيـده أمصوفـه=والقاف يشـرح خاطـري لا هويتـه

وقلـبـي مولـعـنـي وأدور شـفـوفـه=ولا شفتلـي رجـم ٍ طـويـل ٍ رقيـتـه

صح السان الشاعر /مرير بن عبد المحسن

الله يعطيك الف عافيه اختي شويهينه تسلم يمينك ع النقل