يامتعب انا مرتخي للغليبه = ولا اطيع راي الي اعلومه تفاتيف

افهم طريق المخطيه والمصيبه = وارقى برجلي عاليات المشاريف

واشير رجلً عارفه واقتديبه = واصك سمعي عن اعلوم الملاقيف

واسعى بفعل الخير والله يجيبه = وللرزق ربً كلف العبد تكليف

ولا احب قوماً حكيهم فيه غيبه = اهل النمايم ماوراهم مصاريف

انحى بعيد وقربهم وش ابيبه = والرزق عند الله وسيع المحاريف

وقراء الكتاب الي نزل وهتديبه = ولاني على المقفي كثير التحاسيف

معوشت الدنيا تراها اصعيبه = عيت اتساعف من يبيها على الكيف

نوبن هواها صافي يمشيبه = ونوبن هواها به اغبار وعياصيف

افعولها وقت المصايب عطيبه = كم فرقت بفعولها من مواليف

من هج عنها بسبايب تجيبه = تضرب برمحاً خافي الفعل ماشيف

وذلولنامن فضل ربي وديبه = نمشي عليها ماعلينا تخاليف

والغيب وجل العبد ما يندريبه = وايامنا تجري وفيها صواديف

يقولهااللي ما يباهي بطيبه = وينقد على الي راس طيبه سواليف

وصلو على خير البشر مع صحيبه = اعداد خلق الله كثير التواصيف

يامتعـب انـا مرتخـي للغليـبـه ولا اطيع راي الي اعلومه تفاتيـف
افهم طريق المخطيـه والمصيبـه وارقى برجلي عاليات المشاريـف

أيبالله ان اكثر الرجال طيبهم سواليف اما أبو متعب فهو علمٌ في رأسه نار ..كيف لا وهو أبن راعي الشرفا سند بن مصاول وحفيد الفارس والقاضي مصاول بن بخيتان بن مدلج؟؟

فالطيب قرينه ولو لم يقترن بالطيب أبومتعب لطالبه الطيب بالإقتران به.

يقول الشاعر الكبير ضيف الله بن زراق في أبن عمه محمد بن سند :

http://www.almouazeen.com/showthread.php?p=37736

أخوي سند نشكرك جزيل الشكر على إدراج الجديد من قصائد خالنا العزيز محمد بن سند بن مصاول ونطالبك بالمزيد ...