طلب لهذا لعازف الكبير للربابة
 

من كثر مااسمع مدح الشياب لجرة وصوت عبدالله ابن ضميد وقولهم انه لايقارن بغيره

اظنه عجمي


بحثت كثيرا عن جراته في كثيرا التسجيلات الشعبية الكبيرة ولم اجدها


كان يطلع في اذاعة الكويت وهو قديم




من يعرف شئ عنه او وجد مقطع له ان يسعفنا به

رد : طلب لهذا لعازف الكبير للربابة
 

والله ماله اي معرفة فيه وياليت اقدر اساعدك

رد : طلب لهذا لعازف الكبير للربابة
 

الأخ وائل مشكور على العموم


وانا متأكد ان ابو ضيف الله ماهو صري من التراثيات القديمة جدا , ولايهون باقي الأخوان .


جرت ابن ضميد للربابة كانت مضرب المثال وهذا بيت من قصيدة غزلية لشاعر عنزي هيضة صوت حجرت ابن ضميد :






مـــــــــــن جـــــــــــرت ابـــــــــــن ضـــمــــيــــد لـــلــــقــــوس مـــــــــــا نــــــمــــــت

مـــــــــــــا نــــــمـــــــت أنـــــــــــــا لــــــيـــــــن أد بـــــــحـــــــن الـــنـــجــــومــــي

رد : طلب لهذا لعازف الكبير للربابة
 

سوف يتم البحث غداً يا أبو مرزوق وسأكلف الموظفين اللي عندي من العجمان علشان عيونك ...وهالحين ابي اروح ارقد لأني ما اشوف من النوم هههههههههههههههههههه

رد : طلب لهذا لعازف الكبير للربابة
 

البارحة جفني عن النوم سالـي
والعيـن عيـا لايهـود نظرهـا
فكرت في دنيـاي بـول وتالـي
لقيت نفسي غارق فـي بحرهـا
ماني مع العالم وجالس لحالـي
وحيد في دنيا رمانـي خطرهـا
اسج فيهـا كـل ماجـا مجالـي
وارجع ولاني سالم من ضررهـا
ماعدت اميز بيـن مـر وحالـي
ونفسي عنيدة مير وقتي جبرهـا
اشرب قراح ودوم شربي زلالـي
واليوم معرف صفوها من كدرها
ماكل من يضحك من الناس خالي
يضحك وناره وسط جوفه شررها
يبديلك الطيبه وزيـن الخصالـي
والحقد والغيره بدربـك نثرهـا
لاجالـزوم لـه يجـي مايبالـي
ولاجالزومك عنك رجله قصرهـا
انا احمد الي دايم الـدوم عالـي
خالق مخاليقة وبرضـة نشرهـا
وصلوا على صفوة جميع الرجالي
اعداد ماهلـت مـزون مطرهـا
الشاعر:: عبدالله بن ضميد

رد : طلب لهذا لعازف الكبير للربابة
 

والله يا سالم بحثت مع الربع اللي هنا وماعطوني خبر ولكني سوف أحاول اليوم وإن شاء الله نلاقي نتيجه

رد : طلب لهذا لعازف الكبير للربابة
 

أخوي سالم رباح هذا هو طلبك يا غالي...

http://www.albwady.com/vb/showthread.php?t=3585

والأسم للمنتدى assad

وكلمة المرور هي 123456

أبن مصاول

رد : طلب لهذا لعازف الكبير للربابة
 

فعلا ..........صوته جميل وعزالله انه هيضني......

ذكرني بسنين مضت يالله المستعان..............

تقبلوا مروري..............

رد : طلب لهذا لعازف الكبير للربابة
 

ابو ضيف الله يبيض وجهك ويصلح لك ضيف الله واخوانه

لاهنت


والف شكر





وصلت يالغالي


والشياب فعلا مابالغوا جرته وصوته رائع

الله يرحمه .


وفيه جره شهيرة جدا له اسمع ان الكثير يكتب ان ابن ضميد تغنى بها .

رد : طلب لهذا لعازف الكبير للربابة
 

غالي والطلب رخيص ياسالم وإن شاء الله نكون حققنا التكاملية بتواجدنا وبتظافر جهودنا لكي نكون كفقرات العمود الفقري يكمل بعضها بعضاً...