منتديات الموازين الرسميه - كلمات كتبتها طفلـہ صغيرهـ بعد وفاة أمها..

كلمات كتبتها طفلـہ صغيرهـ بعد وفاة أمها..

..... يمـہ ......
تكفين إسمعيني..
يمـہ بسألك شئ
... جاااوبيني..
هو صحيح اللي مات
داخل القبر يصير حي ..؟؟
..... يمــہ ......
أسمع أنا صوتك ..
كل يوم أسمعـہ ..
وإذا أحاكيك هاوشوني ..
قالولي إنسي...
يالله روحي إلعبي...
يمـہ تعالي ارجعي ..
والله خلاص بسمع كلامك ..
مآ أخرب ألعابي...
وإن قلتي ياللّـہ روحي نامي ..
أروح حتى ماتزعلي...
يمـہ تكفين ارجعي ..
اليوم حطت لي المديرهـ..
نجمـہ من فوق جبهتي..
سمعتها تقول....
مسكينـہ هالبنت صارت يتيمـہ ...
قالت لها أبلـہ منيرهـ...
مسكينـہ توها صغيرهـ...
وش كانو يقصدون...؟؟
يمكن عشاني صرت عاقلـہ ...
ولا عشاني دايم اسرح...؟؟
يمـہ مريولي توسخ.....
ما كان قصدي اوسخـہ ...
بس تذكرت انك تقولي ..
بعد شهرييين.....
بشتري لك لبس ثاني..
يمـہ تعالي اشتري...
يمـہ عرفتي مها...؟؟؟
صديقتي اللي معي...
زاعلتني..
تقول صرت ما أضحكها ..
راحت تدور غيري....
عشان تلقى أحد يونسها ...
.. يمــہ ..
يالله خلاص لا تمزحي...
يالله قومي ....
تعالي معي للبيت ارجعي...
.... يمـہ ...
يمممه نسيت شئ ..
بقولك ترى بيتنا صار فاضي...
وكل اللي فيــہ أنا وأخواني ...
ليه وين أقاربنا ..؟؟
وين خالتي..؟؟
اللي كانت تجينا..
يممممـہ قومي يالله تعالي
تكفين يالله تعالي...
ماودي ارجع لحالي ..
والله خايفــہ ..
ترى أمس جيتك..
مارديتي...
حسبتك نايمـہ ...
ولا أقولك ...
خلاص خلاص ..
أنا بجيك بكرهـ ..
إذا راحو الناس من هنا ...
تكفين يمـہ بكرهـ اصحي..
تكفين يمـہ ارجعي....