منتديات الموازين الرسميه

منتديات الموازين الرسميه (http://www.almouazeen.com/index.php)
-   منتدى الصوت والصورة لكل الأشعار (http://www.almouazeen.com/forumdisplay.php?f=64)
-   -   متعب التركي ( طآش السهم ياللي تقولون مآطآش ) (http://www.almouazeen.com/showthread.php?t=26570)

عبدالمجيد الظويفري 25 - 03 - 10 06:07 PM

متعب التركي ( طآش السهم ياللي تقولون مآطآش )
 
بسم الله الرحمن الرحيم

السلام عليكم ورحمة الله وبركاته


http://www.youtube.com/watch?v=z4js7kPIBhU


بعد غياباً طويلاً عن الساحه الشعريه يحضر في أول لقاء تلفزيوني له

ويوجه قنبله شعريه لمسلسل ( طاش ماطاش )




اليكم القصيده

\
/




طاش السهم ياللي تقولون ما طـاش
في مجتمـع دينـه علامـة فلاحـه
على انتقاد اهل اللحى صابه اخراش
واستخدم الاعـلام للحـرب ساحـة
واليا انتقدهم شيخ قام الـف خفـاش
سوت لنـا بعـض الجرايـد مناحـه
نفهم سبب هجمة هل الكفر الاوبـاش
ونجهـل دوافـع هالعمـل وانفتاحـه
سؤال ما يحتـاج تقويـس وفـلاش
من يقدر يجـاوب عليـه بصراحـه
من الذي ياقف ورى طاش ماطاش
من الذي يعطيه فسح ومساحه
من الذي خلفه وخلاه يعتاش
على انتقاد الدين فيه الوقاحه
سنـة محمـد تنتقـد بيننـا كـاش
في حجة إن الديـن يسـر وسماحـة
والدين ماهو عرضه لـراي ونقـاش
إلا من اللـي فيـه علـم ورجاحـه
باكر يجي كاتـب ولاعـب ونقـاش
يجيـز للنـاس الـربـا والنيـاحـه
شعورنـا بالغيـظ طاغـي وجيـاش
مما نرى مـا عـاد نشعـر براحـة
خذا بنقد الديـن مسـري ومغبـاش
وعلى رجال الحسبة اعلـن كفاحـه
يوضع خطاهم بين مجهـر ومنقـاش
ويعرض على الشاشه بسخف وبجاحه
ما يكره الهيئة سوى واحـد غـاش
تخيفـه الهيئـة وتكبـح جمـاحـه
يكرهم مشعـوذ ومفسـد وحشـاش
ويحبهـم هالمجتمـع مـن صلاحـه
حرس فضيلة بس ما يحمل كـلاش
والمؤمن الحـق النصيحـه سلاحـه
ياسيدي سلمـان يالضاحـك البـاش
يا من تهابه فـي غضبـه ومزاحـه
يا من تضيق بخصمه الارض لا هاش
رمح الرياض ان كان عـدو رماحـه
سلمان هو طب القلوب اللي غشـاش
لا كابـرت والغيـظ هبـت رياحـه
لو انه اعزل وانت في يدك رشـاش
تخـاف منـه وتستظـل بجنـاحـه
ياسيدي حنا على الفزعـة عطـاش
هذا الـورم محتـاج منـك لجراحـه
اليا متى نكتم غضبنـا بهـا لجـاش
والسخرية بالديـن صـارت مباحـة
حنا حلمنا حيـل لكـن علـى مـاش
الحلـم زاد الخطـب هـذا فـداحـه
لو غلفوا هالحقد واخفـوه بقمـاش
من يستـره والله يريـد افتضاحـه
حريـة المـراة شعـارات بـبـلاش
والا الهدف نشر العـري والاباحـة
اذا نسانا غادرن حضـن الاعشـاش
كـل احتمـالات التفـكـك متـاحـه
ياسيـدي المجتمـع كلـه انــداش
دينـه وعاداتـه غـدت مستبـاحـه
هذا البلد تاريخه ابيض من الشـاش
ارض الرسول وعمر وابـن رواحـه
معقل اهل السنة من الطاش للطـاش
ماهـي بـلاد الرهبنـة والسيـاحـة
شعب بحكم الله تحـت ظلكـم عـاش
جمعتـوا اطرافـه وطابـت جراحـه
لحافـة التوحيـد والسنـة فــراش
الديـن تاجـه والعوايـد وشـاحـه
والمجتمع لا صارت اسواره هشـاش
يسهل حتى على الجـراد اكتساحـه
لا يعتذر لو يعتذر طاش مـا طـاش
بعض الخطأ عـذره يزيـده قباحـه








لله درررررررك يابو فهد



دمتم بخير

سعوديه عزيزة نفس 25 - 03 - 10 07:48 PM

رد: متعب التركي ( طآش السهم ياللي تقولون مآطآش )
 
لله دره من شاعر

لاهنت اخوي لاهنت

ريم الموازين 25 - 03 - 10 07:56 PM

رد: متعب التركي ( طآش السهم ياللي تقولون مآطآش )
 

متعب التركي رائع
والله زمان عن قصايده
واليا انتقدهم شيخ قام الـف خفـاش
سوت لنـا بعـض الجرايـد مناحـه

نفهم سبب هجمة هل الكفر الاوبـاش
ونجهـل دوافـع هالعمـل وانفتاحـه

جدآ رائعه ومتعب التركي
لايكتب الاباحساس وصدق
يعطيك العافيه اخوي

خـالـدالـمـيزاني 25 - 03 - 10 08:15 PM

رد: متعب التركي ( طآش السهم ياللي تقولون مآطآش )
 
رووووووووعهـ جدآآآآآآآ
ما يكره الهيئة سوى واحـد غـاش
تخيفـه الهيئـة وتكبـح جمـاحـه
يكرهم مشعـوذ ومفسـد وحشـاش
ويحبهـم هالمجتمـع مـن صلاحـه

اعجبني هذا البيات و( الهيئة في قلوبنا)
صح لسانكـ =متعب التركي


ويعطيك العافيه اخوي عبدالمجيد الظويفري

ابن مصاول الميزاني 27 - 03 - 10 08:43 AM

رد: متعب التركي ( طآش السهم ياللي تقولون مآطآش )
 
الشاعر متعب التركي شاعر قوي المعنى وقوي التمكن

له قصائد دائما نرددها من روعتها

لاهنت يا خال على النقل المميز

ولكن اريد منك تنزيل مجاراتك لي احد قصائد متعب التركي

لك مني خالص الود والتبجيل يالقرم

نواف الشعلاني 28 - 03 - 10 04:55 AM

رد: متعب التركي ( طآش السهم ياللي تقولون مآطآش )
 
لله درك يامتعب التركي

عطاااوي مطنووخ 29 - 03 - 10 03:17 AM

رد: متعب التركي ( طآش السهم ياللي تقولون مآطآش )
 
رااااائعه جدا,,
لاهنت اخوي ويعطيك العافيه,,

لورنس 29 - 03 - 10 04:27 AM

رد: متعب التركي ( طآش السهم ياللي تقولون مآطآش )
 
شـكــوبارك الله فيك ـــرا لك ... لك مني أجمل تحية

الفارسية 29 - 03 - 10 05:47 PM

رد: متعب التركي ( طآش السهم ياللي تقولون مآطآش )
 
صح لسانك::عبد المجيد

أبو راكان 29 - 03 - 10 06:24 PM

رد: متعب التركي ( طآش السهم ياللي تقولون مآطآش )
 
صح لسان الشاعر متعب التركي.ولاهنت يابو سعيد النقل


الساعة الآن 02:50 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها