توك تذكرت المحبه على خير=
تو ان روحك تذكر اللي عشقها=
توك صحيت وجيت تبدي المعاذير=
من بعد ماطار الهوى في ورقها=
صحيح كانت لك محبه وتقدير=
لكن قبل تغتالها وتخنقها=
يوم المشاعر لك تهافت طوابير=
بس انت عميان وأذانيك صقها=
غلاك كان بعالمي شيخ وأمير=
ومحبتك سبحان منهو فرقها=
وهجرتني ماللهجر أي تبرير=
أخطيت مير اليوم خذها وذقها=
ماأنته على ديني لك اديانة غير=
لي دين وأنت ديانتك ماأعتنقها=
أنت اللذي عزرت بي خوش تعزير=
ورمحك معاليق الضمير أخترقها=
وتبيني أرجع مثل ماكنت وأصير=
لاواللذي روحي وروحك خلقها =