يافرحة الصقــآر بقفـاية الصيف=ونقل الحـرار اللي ينـومس هـددها
هـب البــراد وقـآلو سهيل قـد شييف=واهل الولع قــأمت تجمع عددهـا
يبـون مقنآصٍ بعيـدٍ عن السيـف=صقارةٍ كلنٍ اطيوره جردهـا
ربعٍ قروم ولا تحسب التكاليف=مستانسين أناسةٍ مابعـدهـا
يـآزين شبت نارهم والسواليف= والبعـد عـن روتينهـا مع نكـدهـا
وأول بكور الوسم جـاله ترأفيف = ماينفصل براقهـا من رعـدها
هبت له الشرقي بليـا عواصيف =والارض من ربي لفاهـا سعـدهـآ
من الساحل الغربي إلى حرة طريف = ومن الجنوب إلى النفود وقعـدهآ
سيلـه مع الوديان جايله وحيف=دارٍ يمــــسيها ودارٍ يهجـــــــــدها
ونهار تاســـــع شوفته بالتواصيف= غطى الجبال بخضرته مع لهدها
وتبـــدلت عقب الدهر كلها ريف = وزانت مماشيها على من قصدهــا
هذي طرات العمر مشيٍ على الكيف= إلا المعاصي لاتجي في نــصدها
وليـا حفظت الدين مـابك تخاليف = تالي حياتك جثةٍ في لحدهـا