منتديات الموازين الرسميه

هذي قصيده الشاعر / متعب بن تركي المطيري بعد التزامه وعلى معتقد هذي اخر قصيده له

الموت هين والبـلا وش ورا المـوت عند الحسـاب يهـون سهـم المنايـا
باكر نموت وتصبـح قبورنـا بيـوت وعقـب القصـور بضيقـات الزوايـا
في جوف الارض وكل من حولك سكوت وتعاقبـن بالقبـر عــوج الحنـايـا
يارب يا منجـي نبيـك مـن الحـوت سترك وعفوك يـوم كشـف الخفايـا
باكر ليا جينا علـى داعـي الصـوت شيبـان واطفـال وشبـاب وصبايـا
ندعي وحنـا بيـن باكـي ومبهـوت ورحنـا لهـا ننقـاد مثـل السبـايـا
يارب تهدينـي قبـل لحظـة الفـوت وتغفـر ذنوبـي ياكـريـم العطـايـا
اشكيك هـم داخـل الصـدر مكبـوت وايامـي اللـي بالخطـايـا مـلايـا
ان لاذ بك من كـان طايـع ومبخـوت في مـن يلـوذ المرتكـب للخطايـا ؟
يارب يـا قـادر علـى كـل طاغـوت لا ياقـف الـي وحـدوا بـك خزايـا
رحماك لامنـا صحينـا مـن المـوت واليـا وقفنـا عنـد بابـك عـرايـا

وهذا رابط الشيله

http://www.youtube.com/watch?v=Yg_EHjHjjyQ