هاك الخبر يا صاحبٍ خابرينه=رجلٍ حكيم ومدهلٍ للرجال
قلبك يا أبو مصلح تزايد حنينه=وبِعد الأحبه زاد فالقلب الأعطال
والقلب يرجف مثل رجف المكينه=(أو) ضرب الطبول اللي تقفا بموال
وراع الهوى صارت حياته رهينه=للي هواها ما يغطى بغربال
حب النقا كل البشر عارفينه=ماهو بحب(ن) يتبعه كل جَهال
والصبر زين وكل شي(ن) يزينه=واليا نزعته صابك اليوم ولوال
ولابد ربك كل حي(ن) يعينه=ومن بعد فرقا يصبح الحال في عال
ويالصاحب اللي طولن به سنينه=عساك ترجع ثم يصفا بك البال
ومن أجل عين الزين تكرم مدينه=حتى ولو دونه مسافات(ن) أطوال
وسلام يا قلب(ن) مفارق ضنينه=سلام نبداها ونختم على (آل)