منتديات الموازين الرسميه - جهز جوازك للســـفر يالعضيلـــــــــه

منتديات الموازين الرسميه (http://www.almouazeen.com/index.php)

- ديوان الشاعر شبل عصيم"شاعر الغربه" (http://www.almouazeen.com/forumdisplay.php?f=156)

- - جهز جوازك للســـفر يالعضيلـــــــــه (http://www.almouazeen.com/showthread.php?t=32869)

جهز جوازك للســـفر يالعضيلـــــــــه

جهز جوازك للســـفر يالعضيلـــــــــه =نبي نقضي عطلة الصيف بالشــــــام
كأنك خـــويي بكره العفش شيلـــــــــه =كانك يابن محرب مصمل وعــــــزام
اركب على رنـــــج جديدا مديلـــــــــه =من الوكاله فوقه أحروف وأرقـــــــام
رنـــج علاج البعد لادار ويلـــــــــــــه =يطو الحزوم النازحـــه طيـــة الخـــام
مايشتريه اللي فلوســــه قليلـــــــــــه =مركب عيال أشيوخ وعيال حكـــــــام
تله صلاة العصر وأنت ألدليلـــــــــــه =واشمل ونصه دار فيروز والهـــــــام
واحذر تقول إن الاجــــــــــازه طويله =خلك معـــــي لأقلت قـــــدام قـــــــدام
واحسب على تسعين يوم وليلــــــــــــه=واترك غشيم سفرته عـــــدة أيـــــــام
مادام دارك عجتن وش تجيلــــــــــــــــه =عش فالبراد اللي يذعذع له أنســـــــام
دارن مصيفه طيب ينعنيلـــــــــــــــه =واللي عنى للشــــــــام ماهو بــــيلام
وانته تقول اخشا كلام القبيلــــــــــه =كلام بدو وكله اوهام فأوهــــــــــــام
ناس تحسب إن السياحه فشيلـــــــــه =وكن السفر أمرن ينافي للإســـــــلام
ضد الحضاره والجهل تنتمي لــــــه =وقت التخلف راح عام وراء عـــــام
واكب زمانك شوف عصـرك وجيله =وألا علوم أجدادنا صارت أحـــــــلام
وقت البداوه شد وأعلن رحيلـــــــــه =وجانا زمن روضه ودارين واريــام
حنا بوقت يصنع المستحيلـــــــــــــه =وقت طموحاته شهادات وأقــــــلام
واهم شي انته وانأ يالعضيـــــــــــله =إنا نقضي عطلة الصيف بالشــــــام

شاعر الغربه ((شبل عصيم ))