منتديات الموازين الرسميه - متـــــاهـــــات وبــــــحــــــور

السلام عليكم ورحمة الله وبركاته

حبيت ان اقدم لكم هاذه القصيدة للشاعر الكبير والمهضوم حقه اعلاميا
ولايعرف حقه الى من قرى قصايده ووصفه العجيب والمتسلسل في
المعاني العذبه وهو الشاعر / فلاح ابن مبرد الحميداني

البارحـه يـوم استمديـت الافكـار= واستدرجَن هاجوس راسي على الفور
اخذتِ لي في محوَر الكون مشـوار= من هجعت الغافـي الافجـت النـور
رَهَجت أحاسيسٍ تناجـت بالاسـرار =منها وفيها وافـر العـرف ميسـور
تـواردن فكـري بتعقيـد الاخـبـار =ودفعت زفرات الغضب عقب حاشور
زفرات مبلي تنكّـس علـى الطـار= لا سيطر الخاتم علـى روح مزيـور
ضيعت درب المعرفه والقـدم حـار =مما يخصّ الروح بالـروح مقصـور
روحٍ توقد في جسدهـا لهـب نـا ر=يهزهـا هـز البراكيـن لصـخـور
بأطرفها سيل الحمـم مثـل الانهـار= تثور ممـا يرهـب العقـل وتفـور
لين الشجر حتـت ورقهـا والاثمـار=النار ماخلـت لهـا عـروق وبـذور
عظايم التشبيه من عمـق الاضـرار= نار القلوب الصادقـه مالهـا سـور
أنا بدار وهافـي الخصـر فـي دار= دونه زمت جرد الجراهيـد والقـور
حبه جذب روحي على الشرق محدار =وأمسيت دار اللي له الروح ماسـور
أرجي وأراجى وأترجا اهـل الـدار =رجوى يهـود المانيـا وعـد بلفـور
من دافع الواقـع ومكتـوب الاقـدار =لازم يجي لو قلـت للنفـس حـاذور
جابتني القدره علـى غيـر مااختـار= يزعلني أغلا غالي يبديلـي الشـور
كنه يحش عـروق جسمـي بمنشـار= ليا قال ماعندك خبـر قلـت مجبـور
قال أي اساس وقلـت تأسيـس تيـار= والناس كل له من العـرف مقـدور
ادركت عرفه من تصفحت الاسطـار= وحقي من اللي تسمع أثلاث وعشور
فكرت في جوهـر معانيـه تكـرار=مجهـود مشتـاق وتحليـل دكتـور
في منتهـى الدقـه مقاييـس وعيـار= حتى هقيت انه من الـروح مشقـور
واللي ستـر بالعنكبوتـه رع الغـار=وبجنح الدجا نجى نبيه مـن الطـور
لاسابقـه حـب ولاغيـره اخـتـار =وزاده الله في جمـالٍ مـن الحـور
قلبي عشق حلو النبا ظبـي الاقفـار= هذا وأنا قلبي من الخـوف مذعـور
ناصيه منصى المتهـم لابـن عمـار=غصبٍ عليه لملحس النار مصخـور
كني من اللي يطرق الروح والـزار=قبر الحسين بكربلاء عشـر عاشـور
اسباب من عسكر على الكبد مسمـار= معاد خلابي مـن الصبـر مذخـور
إن كان غير عـن قـراره بالانكـار =تايه وفـي مسعـاه ماهـو بمشكـور
راع الغنـم يتبـع مواشيـه بحمـار =وراع البقر يسقي غروسه على الثور
يموت بذر الهون بنفـوس الاحـرار= وبذر الوفى فيها من الساس مبـذور
رجلي مدارجهـا رفيعـات وعسـار =وبالدرب ماتنساق مـع كـل مثبـور
والعين مالدت علـى حرمـة الجـار= ولا ساقة النظره ورى كـل غنـدور
خفيـف نفـس ليـا تلقيـت خطـار=نقـال كبـر بمجلـس فيـه مغـرور
لاجيـت تقطـع سالفـة كـل هـذار =داب الخبايث بمجمع الطيب مشهـور
ياللي خذابك مركب الشـوق معبـار= فكر ترى المخلوق منهـي ومامـور
ارفع شراعك كان شفت الهـوى دار= خله يفـرق هـادي المـوج بالـزور
وليا استوى صنع الطبيعـه بالانظـار=بيـن أزرقينــن لامعالـم ولا نــور
قده على النجم الشمالـي اليـا سـار =وباق الكواكب لو تعلـى حـدر دور
يرضيـك ربـان السفينـه بالاسفـار =البـر بيـن والمتـاهـات ببـحـور
تمت وصلي الله على سيـد الابـرار= عداد مايذكر علـى الكـون مذكـور