يا راكب اللي ثلاث اقفـال ماطاهـا=بنت أركيـه وبوهـا مـن تياهينـي
ركابهـا مـا يهمـه كـود يقـداهـا=اسبق من الطيـر خفـاق الجناحينـي
تسرح وتمسي على ابن هنود ملفاهـا=الشاعر اللي قصد بالزيـن والشينـي
ومصريـه اللـي يبيهـا ويتمناهـا=كلـن يبيهـا ودنوتـهـا معييـنـي
هذيك بنـت الأميـر ولا سفطناهـا=ولا حصلوهـا جماعتهـا الموالينـي
قدمه فهـد خمهـا بيديـه واخطاهـا=عدت على الحبل لو يطويـه منينـي
زمزم قليب الحرم كلـن يبـا ماهـا=زمزم قليب الحرم تبـر المصاخينـي
ويا مريبد القرم ما تحـرز شراياهـا=الدفع عشر اميةٍ والسـوق عشرينـي
وجمال شقحٍ هذاني خف مـا طاهـا=دعج العيون وطويـلات السناحينـي
والجاريه وخرهـا والعبـد يبراهـا=ون جات بالزين ماهـي بالتشايينـي
انكانهـا بالغصيبـه مـا رضيناهـا=ونكانها بالرضـى سيـد المحاكينـي
ون عـودت متهـا مانتـه بوياهـا=ابعد من الشمس عن روس الضلاعيني
الجيش يردم ودهـم الخيـل تبراهـا=ببوارديـة ذوي عـون العلويـنـي
في جمعةٍ ما نحسـب فـي رزاياهـا=نمرا مع الصبـح ورمـاةٍ متاقينـي
ون قلت محسن وفيصل في سراياهـا=نمرا تدريق من الحبـلا ليـا التينـي

أرجو من الله ان اكون قد وفقت لصواب

أخوكم أبن مدلج