والله إنه راح مني نصف ، عمري في غيابك =وأعرف إني شلت همي تاركٍ حبي عـلى الله
كني أبعد من نجوم الليل ، وأقرب من ثيابك =يا عساك و ياعساني و ياعسانا ، وياعسى الله
ياعسى الدنيا تموت ومايعيش ، إلا ترابك =يا أحبك . وأعشقك . وأهوآك . وإلا يفتح الله
ماتعودت أفتخر بإحساسي إلا تحت بابك =إيه أحبك والقضيه واضحه والشاهد الله
يطرد المظلوم خصمه وأنت خصمي ياهلا بك =ياهلا بك يوم تجرح خافقي ويسامح الله
ياهلا بك يوم تلحق غيمتي ، والحق سرابك =جابك الله في حياتي يا حياتي جابك الله
ليش مدري..وين مدري ..كيف مدري ..بس جابك =كل ماقلت إبتدينا في المحبة قلت يالله
مادريت إن النهايه بين بعدك ، وإقترابك =أحسبني كل شي في عيونك يعلم الله
وأثر عينك مستعفه ماتحب ، إلا حجابك =إنظلمت ولاشكيت وبك تركت الأمر لله
كان همي إنتظر باقي عذابك ، في عذابك =الله الله إنتبه وإحذر وفكر الله الله
مثل ما أحسّب حسابي في هواك ، إحسب حسابك =ماطلبت المستحيل ولارجيتك شي . لله
ماطلبتك ارتفع من حجرتي وأسكن ، سحابك =يصرخ القلب المعذب يـ المعذب وكّل الله
شاب حبك في عيوني وأنت ، توك في شبابك =رحت شي ! وجيت شي ! مختلف ياحسبك الله
صدّق إني مابغيت أجلس ، مع حظرت جنابك =غير من ذاك الزمان ويا زماني منك لله
ليش ما غيرت فيني شي ، يوم إني أهابك =ليش ما علمتهم عن قصتي وتوحّد الله
يعرفون إنك سؤالي ، ويعرفون إني جوابك =ويعرفون إني حلفت ولا أعرف أغلى من الله

والله إنه راح مني نصف ، عمري في غيابك =وأعرف إني شلت همي تاركٍ حبي على الله
.

المشاركة الأصلية كتبت بواسطة ملكة القوافي (المشاركة 340789) صح لسان شاعرها والف شكر لك أخوي ابن الشاعر على النقل

المشاركة الأصلية كتبت بواسطة برق (المشاركة 340791) صح لسانك ابن الشاعر

المشاركة الأصلية كتبت بواسطة ساكب الحرف (المشاركة 342492) ياعسى الدنيـا تمـوت ومايعيـش ، إلا ترابـك يا أحبك . وأعشقـك . وأهـوآك . وإلا يفتـح الله اخوي ابن الشاعر كذا النقل والا يفتح الله اشكرك اخوي على الانتقاء الفريد قصيده راقيه جازتلي كثيييييييييييييييير دائما مميز اخوي دمت بخير