منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر / صالح بن عمار (http://www.almouazeen.com/forumdisplay.php?f=148)
-   -   سنين ٍ في كتاب..! (http://www.almouazeen.com/showthread.php?t=41723)

صالح بن عمار 03 - 07 - 11 02:03 AM

سنين ٍ في كتاب..!
 

من عروق القلب صبّيت العتاب=واستبان اللي عن العالم خفى
رَقّصَت بالخافق اقدام الغِياب=وغنّت الذكرى على ناي الجفا
ياهنوف ٍ لابسه طُهر السحاب=بالغلا ريحة قنوف ٍ مااختفى
لو غربتي في عيون ٍ للجواب=السجايا شمس في قلبي دفا
النسيم اللي من انفاسك عذاب=شاعرك بعد اللقا جوّه صفا
النحر وجه البدر قبل الغَياب=في دجا ليل ٍ على ردوفك ضفى
مبسمك ومرايته لمعة حراب=في هجير ٍ لَمْ قاده وحلفا
خالق الله فيك مالذّا وطاب=ياعجب من سلسبيل ومن وفى
الذهب جوهر تعلق بك وذاب=فوق خد الخوخ سلسالك غفا
الجهاد اللي مايحسب لي ثواب=اني اجاهد هوى روح ٍ قفا
من بَعدتي كل ظن ٍ فيك خاب=وانكسر ضلع الوصل لَجّت كفى
مُخطيَه يوم انفتح للهجر باب=قلبي الوافي على قلبك رفى
الحكيم اللي على المخطي يثاب=وْشاعرك عن كل غلطاتك عفا
الهجر فيه الخطآ فيه الصواب=واعتَرَف قلبك بجرمه ما نفى
العمر شجره لها عندي حساب=كنّ يومه غصن تلحاه الأفا
عاشقك روّيت عيونه بالسراب=غاص بحرك لكن بهجرك طفا
تجمح الذكرى سنين ٍ في كتاب=كم كبر بالقلب شوق ٍ ما طفى
جيت كلي شايل ٍ قلب ٍ مصاب=هاك قلبٍ من عنا بُعدك حفى

الهاشمية 03 - 07 - 11 02:54 AM

رد: سنين ٍ في كتاب..!
 
قصيدتك اخي رائعة خطتها اناملك متل ريشة فنان ابدعت في رسمها بألوان غاية في الروعة لوحة شاعرية ووصف خلاب مع قافية سلسة ومتناسقة استمتعت بحروفها لاعدمنا جديدك اخي الشاعر صالح

جـبـرالـخـواطـر 03 - 07 - 11 02:46 PM

رد: سنين ٍ في كتاب..!
 
صح لسـآنك اخوي بن عمار
ولاهنت على القصيدهـ الجزله



كل التقدير

ملكة القوافي 03 - 07 - 11 08:22 PM

رد: سنين ٍ في كتاب..!
 
جيت كلي شايل ٍ قلب ٍ مصاب
هــاك قـلـبٍ مــن عـنـا بُـعـدك حـفـى

صح لسانك أخوي صالح بن عمار

الحميدي بن فارس بن مدلج 04 - 07 - 11 12:39 AM

رد: سنين ٍ في كتاب..!
 
اخوي صالح صح لسانك
جزل سجل اعجابي بقوه الله يعطيك العافيه

أبو بندر 04 - 07 - 11 02:20 AM

رد: سنين ٍ في كتاب..!
 
رقصت بالخافق اقدام العتاب --- وغنت الذكرى على ناي الجفا


صح لسانك ابوعمار على القصيده الرائعه دائما تأتي بتميز وتأبى بأن تهدينا الا دررا ثمينه ستحفظ

بذاكرتنا وسنتذكرها كلما أشتقنا الى الجزاله دمت بخير

نزف المشاعر 04 - 07 - 11 02:44 AM

رد: سنين ٍ في كتاب..!
 

صح لسانك اخوي صالح ..

ابداع متجدد وحروف تمطر عذوبة .. استمتعت بمروري هنا ~





شكرا لك


الساعة الآن 10:31 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها