منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر / صالح بن عمار (http://www.almouazeen.com/forumdisplay.php?f=148)
-   -   باقي سؤال..! (http://www.almouazeen.com/showthread.php?t=44890)

صالح بن عمار 02 - 01 - 12 12:11 AM

باقي سؤال..!
 

جينا نسوق الحب نشعب ركابه.=مسروج له من كل نبض ٍ ركوبه.
سريتها والليـل تنبـح كلابـه.=والليل آيه.! للعواشـق عقوبـه.
اسهر وألم مْـن الكآبـه كآبـه.=واحرق عليه الآه نوبه ونوبـه.
وصلت مشاعرنا لقلبـه وبابـه.=شرّع وحيّاها بنفـس ٍ رحوبـه.
يشكي فؤاد الحب شوق ٍ سطآبه.=والعين ذابت من ليالـي كذوبـه.
على امتداد الشوف يلمع سرابه.=بالصدر جمر الشوق ولع شبوبه.
الشعر قصره.! والمشاعر زهابه.=والحبر عطره والورق صار ثوبه.
اسطورة الأنفاس ريح السحابـه.=فاحت وذاب القلب فيها عذوبـه.
لو ضاق كوني في عيونه رحابه.=يشرق جبينه في شفاته غروبـه.
طفلة هلال ٍ والبدر لـه قرابـه.=انعم من الديباج روحه طروبـه.
وسط المجره برق يرسم جنابـه.=شفته بعيني مع نسايم هبوبـه.
القلب من حبه غرامـه غدابـه.=والحب فيه البعد باقـي عيوبـه.
بنيت قصر الود واشعلت مآبـه.=والزين قصره عَطّر القلب طوبه.
ياحي عينه كل عرق اهتنا بـه.=جوفي بساتينه .. عروقي دروبه.
قلبه سما قلبي وقلبـي عقابـه.=حر ٍ نهده في مشاعـر تجوبـه.
كيف الغلا والود حبـي شرابـه.=تحرق تناهيده بقلـب ٍ سروبـه.
باقي سـؤال ٍ ماقرينـا جوابـه.=كل المشاعر في خفوقي دَرَوبـه.
متى التلاقي يوم باقـي غيابـه.=عتّم لي الصوره وبانت حروبـه.

ملكة القوافي 02 - 01 - 12 02:03 AM

رد: باقي سؤال..!
 
أبداع+أبداع
لله درك أخوي صالح بن عمار وصح لسانك

همسً 02 - 01 - 12 02:26 AM

رد: باقي سؤال..!
 
-
صح السااانك اخوي صالح لاهنت ....

أبن مصاول 02 - 01 - 12 06:49 AM

رد: باقي سؤال..!
 
قمة الإبداع أخي صالح وصح لسانك ..فقد حاولت أن أقتبس بيت أو أكثر لأعلق عليها ولكنني وجدت نفسي أقف أمام إبداع شعري متواصل حتى النهايه .

صح لسانك ولا تحرمنا من جديدك

عنود الصيد 02 - 01 - 12 10:17 AM

رد: باقي سؤال..!
 
حاولت أن أقتبس بيت أو أكثر لأعلق عليها ولكنني وجدت نفسي أقف أمام إبداع شعري متواصل حتى النهايه

زي مقااال اخوي ابن مصاااول


ابداااع اخوي صاالح وانااا من اكثر المحبين لي قصاائدك الرائعه وصح لساااانك

العبدالله 09 - 01 - 12 12:34 PM

رد: باقي سؤال..!
 
لاهنت على الابداع

ابن الشاعر 09 - 01 - 12 09:33 PM

رد: باقي سؤال..!
 
[


الشعر قصره.! والمشاعر زهابه.=والحبر عطره والورق صار ثوبه.
اسطورة الأنفاس ريح السحابـه.=فاحت وذاب القلب فيها عذوبـه.


قصيده خرافيه يابو ريان وليس بغريب عليك هذا الابداع
فلله درك على هذا النسج والخيال الذي ابحرت بنا من خلاله الى شطئان اللا معقول حتى ارويت ذائقتنا . ويكفيني منها اقتناء هذين البيتين
لك الود والمتابعه ياصاحبي
.

حيرة الموازين 09 - 01 - 12 10:12 PM

رد: باقي سؤال..!
 
صـــــــــــح لسانك


الساعة الآن 09:50 AM.

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها