منتديات الموازين الرسميه - صحيح انا شايب لشاعر الكبير لافي الصيده

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

- - صحيح انا شايب لشاعر الكبير لافي الصيده (http://www.almouazeen.com/showthread.php?t=45813)

صحيح انا شايب لشاعر الكبير لافي الصيده

صحيح انا شايب بعد واسمر شوي
والحظ ( هاف ٍ هاف ) يذهب وياتي
واسمي من الأسماء القديمات يا ميّ
اكيـد مـا يعجـب كثيـر البناتـي
... حظي كذا لا هو بطيـب ولا سـي
مثل ما قالوا (ما دعت لي حماتـي)
والشايب الله يرحمه ما ترك شـي
الا عشر معـزا وسبـع لقحاتـي
يا بنت راسي ما عرف بارد الفـي
ما بين شمس وحمس هذي حياتي
ايام اسايرهـا رغـم فعلهـا فـي
وايـام اجابهـا بـذاتـي لـذاتـي
اصبر لجمرة ذيك كلـه لأجـل ذي
خوفٍ من التقصير فـي واجباتـي
عندك خبر حبل الرشا ياسم الطـي
وحتى الهوى نحّت جبال السراتـي
قال المثل ما فيه شيء بـلا شـيء
والمغفـرة مشروطـةٍ بالصلاتـي
الهون ذل وزي ما هـو لنـا زي
عن كل هون اختار رقعـة عباتـي
حلفت أنا لأعزّ راسي وانـا حـي
ما دام راسـي يـورح الذارياتـي
وقصيرتي لو هي مثل شمعة الضي
تحرم عليه مثـل حرمـة خواتـي
وإن كان ودك تعرفين اكثر شـوي
هذي صور وجهي وهذي صفاتـي
وان شفتها ياقلب عيت بعـد عـي
المسكنه ما هي سمه مـن سماتـي
اصبر لو إن الكي ما يبـري الكـي
ورزقي على اللي كـون الكائناتـي
اختار حرف الألف والسين والجـي
وغيري كثير اللي يسوي سواتـي
قدامنا راحت على ابوك يـا عـدي
بغداد والبصـره وشـط الفراتـي

الشاعر/لافي الصيده

http://a5.sphotos.ak.fbcdn.net/hphot...62795425_n.jpg