منتديات الموازين الرسميه

منتديات الموازين الرسميه (http://www.almouazeen.com/index.php)
-   شــــعـــراء منتديات الــمــــوازين (http://www.almouazeen.com/forumdisplay.php?f=17)
-   -   ... الليال الطويله ....؟؟ (http://www.almouazeen.com/showthread.php?t=23149)

أحمد العوفي 20 - 01 - 10 11:29 PM

... الليال الطويله ....؟؟
 
يسعد اوقاتكم
اعزائي بكل خير


ابيات متواضعه اتمنى ان تعانق رضاكم 0

.

.


ياجاير ازمـان الليـال الطويلـه =اللي كراها لموق الاعيان شحـاح
تسامره عيـن الشقـاوي عليلـه =تخيل نجم ٍ ساري ٍ غاب ماضـاح
غـاب بمغيبـه ماوجدنـا دليلـه =وبقيت مع هاجوس فكري والاشباح
واخترت من صهوة جواده اصيلـه =اسري بمضمار الجزيلات سـواح
اخـذ طوالـع سابقـات الجزيلـه =واعنهـا لاودع الليـل وانــزاح
لا لاحت خيوط الفجـر بالكحيلـه =بغرة جبين الصبح سجيت مسراح
وعديت عالـي نايفـات الطويلـه =بارق حقايق مزنهـا تحتهـا لاح
النود فـي عاليـه هفـت عليلـه =يجلى هموم القلب ذعذوع مـرواح
غنى حفيفه في مشـارف نحيلـه=جاوب صداها هاجس ٍ نابضه باح
تلقى بها نفـس الشقـاوي وسيلـه =تأخذ بها سجات والبـال مرتـاح
يدله عـن اللـي بالخفايـا ثقيلـه =مغلق صناديقـه عليهـا بمفتـاح
مسايـر الايـام ماشـي سبيـلـه =على خطا الاقدار والعزه وشـاح
عزيز شايم عـن مبـادي هزيلـه =بدنيا عيوب أخلاقها صار فضـاح
وش عاد باقـي بالمبـادي نبيلـه =اللي بها مجبول مضمون الارواح
دفنت بلا تشييـع فـرض ونفيلـه =ولىّ اثرها مع زمـان ٍ بهـا راح
يحكـم عددهـا مايحكمـه قليلـه =ويغرق بموج بحورها كل سبـاح؟

.


.



كل الود ... احمد العوفي

صالح طلاق الزراقي 20 - 01 - 10 11:51 PM

رد: ... الليال الطويله ....؟؟
 
صح لسانك ياشاعر حرب
قصيده في قمة الذوق

فهد بن صحران 21 - 01 - 10 12:58 AM

رد: ... الليال الطويله ....؟؟
 
صح لسانك يا احمد العوفي قصيده جزله من شاعر جزل

تقبل مروري

أبن مصاول 21 - 01 - 10 01:03 AM

رد: ... الليال الطويله ....؟؟
 
الشاعر المبدع , الرائع , القدير أحمد العوفي صح لسانك مليون على هذه القصيدة الرائعه التي أبحرت بنا فيها في بحر المعاني والقوافي الفاخره جداً التي لا يتقنها إلا شاعر بقمة احمد العوفي ...

أقف امام هذا النص الفاخر متاملاً , نشواناً بما فيه من جمال الشعر وأعذبه

صور رائعة جداً:


واخترت من صهوة جواده اصيلـه=اسري بمضمار الجزيلات سـواح
اخـذ طوالـع سابقـات الجزيلـه=واعنهـا لاودع الليـل وانــزاح

ثم هنا توقفت كثيراً :


مسايـر الايـام ماشـي سبيـلـه=على خطا الاقدار والعزه وشـاح
عزيز شايم عـن مبـادي هزيلـه=بدنيا عيوب أخلاقها صار فضـاح

الف شكراً على هذه الرائعه..وننتظر المزيد من بحر أشعارك المتلاطمه

أبن مصاول

شويهينه الهيلا 21 - 01 - 10 01:19 AM

رد: ... الليال الطويله ....؟؟
 
الله الله عليك


نص فاخر

وشاعرية تملئ الافق ابداااااااااااااع


وحروف من ذهب

صح لسااانك


لاعدمناااااااااااااك

عبدالرحمن العقيلي 21 - 01 - 10 03:42 AM

رد: ... الليال الطويله ....؟؟
 
رائع ويعطيك العافيه اخوي احمد

تقبل مروري

أبو راكان 21 - 01 - 10 09:29 AM

رد: ... الليال الطويله ....؟؟
 
صح لسانك ياولد حرب ابيات من ذهب

عز الخوي 21 - 01 - 10 10:11 AM

رد: ... الليال الطويله ....؟؟
 
صح لسان الشاعر احمد العوفي على القصيده الرائعه وبيض الله وجهك

ولدالدويلة 21 - 01 - 10 10:45 AM

رد: ... الليال الطويله ....؟؟
 
صح لسانك يابو فيصل
وبيض الله وجهك ويعطيك العافيه

لا لاحت خيوط الفجـر بالكحيلـه
بغرة جبين الصبح سجيت مسراح
وعديت عالـي نايفـات الطويلـه
بارق حقايق مزنهـا تحتهـا لاح
الله الله عليك روعه

بٌَِنْتُِِّْ مًلوٍكَ 21 - 01 - 10 10:47 AM

رد: ... الليال الطويله ....؟؟
 
صح لسانك اخوي لاهنت على القصيدة الجزلة


الساعة الآن 02:46 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها