منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر منصور الدرين (http://www.almouazeen.com/forumdisplay.php?f=159)
-   -   منصور الدرين : وقصيدة ولد شيوخ .!! (http://www.almouazeen.com/showthread.php?t=33628)

منصور الدرين 24 - 08 - 10 02:45 PM

منصور الدرين : وقصيدة ولد شيوخ .!!
 
السلام عليكم ورحمة الله وبركاته

مساكم الله بالخير أخواني وأخواتي أعضاء وزوار منتدى ( الموازين )

يحق للشاعر أن يكتب في جميع أغراض الشعر . وهذه القصيده حديثة عهد كتبتها في غرض ( الفخر )

أتمنى أن تصل إلى ذائقتكم وتنال إستحسانكم .!

صلوا على النبي ..!



هيّض وراجع حسابي ضرب هوجاسـي=اللـي منحنـي شهـادة فخـر ورتبّـي
قال إلزم الصمت لـو النـاس تحتاسـي=تراك كاسـب لنوماسـك علـى غبّـي
لاترخص النفس لاجل الغافـل الناسـي=ولاتتبع اللـي يصـبّ المهزلـه صبّـي
ياللي تحسـب الذهب يرجع للالماسي=إنزل تحت ماتبعتـك لـو تعايـب بـي
ماهي شجاعـه رجـل للمجـد جلاسـي=اللي على الكلمه الشينـه يجـرب بـي
قد قالها الشافعـي فالنـاس الأنجاسـي=قال أرفع الراس عنهم وأتـرك السبّـي
أنا أحمد الله وسيع العـرف وسياسـي=من فضل ربّي ولـي وقفـات ماتسبّـي
ومن قوّة الشعر كنّي شخـص عبّاسـي=يحق لـي وأفتخـر لـو كنـت متنبّـي
آموت من شان عزّي مانحنـى راسـي=لأنّـي ولـد شيـخ متعلّـم ومتـربّـي
ماني نتيجة ( سفاهه ) في زمن قاسـي=ولاني ضحيّـة هـوى نـاسٍ تلاعبّـي
ماعمر ناس أجبرتني وأترك إحساسـي=وماعمري أجبرت من صدّوا على حبّـي
آضحك مع الناس لحظه وأكتم أنفاسـي=والنار بالشوق وسـط القلـب تشتبّـي
كنّي ومع بحر حزنـي جيـت غطّاسـي=أسبح بحور الفخر ولعينـه أقـرب بـي
محـاور الليـل والآحـلام حسّـاسـي=مصاحب الطيـب لجـل الخالـق ملبّـي
سفينـة الشـوق ودّتنـي لوسواسـي=تغرق بعد ماتهـوّر بـي وتقلـب بـي
لعيون عذراً هدبهـا موطـن إحساسـي=اللـي تفاخـر بنظراتـي وتتعـب بـي
يبقى شموخي لهـا أمّ عيـون نعّاسـي=تغرف بطعم السعد منّـي وتشـرب بـي
ألبس لباس الشـرف وآفصّـل قياسـي=وأصل الشرف كنز وأطربّـه ويطربّـي
ولو رغبتي ماتناسب ( محترم ساسي )=ماهو على الكيف لكن شيء مـن ربّـي
أنـا بـدويٍّ ليـا ماجـازت النـاسـي=شبيـت نـارٍ لهايبهـا تشاعـب بـي
أسلّي النفـس مـع نـاري ومحماسـي=وأطرب لشوف النشامى اللي تصاحب بي
يشوش راسي لهـم ويطيّـر عماسـي=وليـا بـدى لازمـي مانـي بمتغـبّـي
ياهل القلـوب النظيفـه ذاك نوماسـي=ورمز التواضع صفاتي والفخـر طبّـي
أرهقت نفسي طموح ولانقطـع ياسـي=وكم من همومٍ مع الدنيـا تكالـب بـي
أخـذت هيبـة وفـاء وبرقـمٍ قياسـي=ومتابع إحسـاس قلبـي ماتسبّـب بـي
ياللي كفاك الزمن مـن عثربـة كاسـي=تـوّك صغيـر بزمانـك لاتطالـب بـي
والله مارخص لمقـداري ولـو فاسـي=يقطـع عـروق الجفـا ويعافهـم نبّـي
أخذت صيد الحروف وجيـت عسّاسـي=من ورث أبوي وعناوينه تناسـب بـي
ولولا الخطأ والتجارب ينكسـر باسـي=لكن آداريه حتـى الصـح يرحـب بـي
آدوس تحـت قدمـي ذلّـي ولانداسـي=وعدي وعهدي وعز الراس يلعب بـي
(آعيش دايم بطل لـو ينقطـع راسـي)=هذي( خلاصة شجاع ) وناصـره ربّـي


وسلامتكم ..

كل المواعيد وهم 24 - 08 - 10 04:25 PM

رد: منصور الدرين : وقصيدة ولد شيوخ .!!
 
قصيدة أكثر من رائعه

صح لسانك

مجري خضر 24 - 08 - 10 05:55 PM

رد: منصور الدرين : وقصيدة ولد شيوخ .!!
 
صح لسانك وبيض الله وجهك وماقصرت اخي

تقبل مروري

ولك تحيتي

ملكة القوافي 24 - 08 - 10 08:14 PM

رد: منصور الدرين : وقصيدة ولد شيوخ .!!
 
صح لسانك أخوي منصور الدرين

مواعيـ سراب ـدك 24 - 08 - 10 08:20 PM

رد: منصور الدرين : وقصيدة ولد شيوخ .!!
 
صح لسانك وبيض الله وجهك على هالابياات الطيبه

ابن الشاعر 24 - 08 - 10 08:40 PM

رد: منصور الدرين : وقصيدة ولد شيوخ .!!
 
ياسلاااااااااااااااااام
صح لسانك واعتلى شانك ياخوي منصور على هالمعلقه ..
جيت ادور بيت اقتبسه فتهت فــ الابداع المنثور بهذه القصيده
قوة ابيات .. معنى ... جزاله ..سبك من ذهب ...حبكة شاعروالله بكل معنى الكلمه
انا اعتبرها من القصائد النادره ... بيض الله وجهك ارويتني شعر
وتشتاهل مني ***** ولاهنت يامبدع ....

ابـــ فواز ـــو 24 - 08 - 10 10:31 PM

رد: منصور الدرين : وقصيدة ولد شيوخ .!!
 

صح لسان ولاهنت على الطرح المميز

شلاحية مطنوخة 24 - 08 - 10 11:17 PM

رد: منصور الدرين : وقصيدة ولد شيوخ .!!
 
اقتباس:

قـــد قـالـهـا الشـافـعـي فـالـنـاس الأنـجـاسـي
قــال أرفــع الـــراس عـنـهـم وأتـــرك الـسـبّـي
أنـــا أحـمــد الله وسـيــع الـعــرف وسـيـاسـي
مــن فـضــل ربّـــي ولـــي وقـفــات ماتـسـبّـي
ومـن قــوّة الشـعـر كـنّـي شـخـص عبّـاسـي
يــحــق لــــي وأفـتـخــر لــــو كــنـــت مـتـنـبّــي
آمــوت مــن شــان عــزّي مانـحـنـى راســـي
لأنّــــــي ولــــــد شـــيــــخ مـتــعــلّــم ومــتــربّـــي



كفوو كفووو كفوو والله يا منصور ..
كفو يابن العم ...

صح لسانك وعسى عمرك طويل على هالجزلة ..

ماجد محمد القحم 25 - 08 - 10 09:28 PM

رد: منصور الدرين : وقصيدة ولد شيوخ .!!
 
صح لسآآآآآآنك يامنصور على هذه الشامخه ...نص راقي ... كروقي سمووك ..تقبل مروري يالغالي

أبو بندر 26 - 08 - 10 05:38 PM

رد: منصور الدرين : وقصيدة ولد شيوخ .!!
 
أنـا بـدويٍّ ليـا ماجـازت النـاسـي
شبيـت نـارٍ لهايبهـا تشاعـب بـي
أسلّي النفـس مـع نـاري ومحماسـي
وأطرب لشوف النشامى اللي تصاحب بي


صح لسانك قصيده جزله ولاهو بمستغرب عليك اخوي
قصيده نبعت من القلب ولاتستقر الا بالقلوب
دمت بخير اخوي منصور


الساعة الآن 06:06 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها