يا محمد من صدوده ضاق صدري=ما بقى بي لا دموع ولا ونيني
له ثمان أسنين وهو يطوي بعمري=طي بيت البدو لقفوا راحليني
ودي اصبر والحقيقة ضاع صبري=والهوى من قسوته يطوي أسنيني
إن قربته في مكانه قلت بدري=وإن بعدت اشوي يجذبني حنيني
له محبة في صميم القلب تجري=وله مقام العز بين رموش عيني
كاتمه حبه أخاف الناس تدري=والمصيبة وسم حبه بان فيني
وصلوه العلم وأخباري وعذري=وأشرحوا له حالتي يمكن يجيني
وضحوا له مقصدي من نضم شعري=وانصحوه من الجفا ليته يليني
واخبروه إني عزيزة يزيد قدري=ولغير رب الخلق ما احني جبيني
وكان حبي له مذله وفيه كسري=بمسحه من خافقي واغسل يديني
وأخر المنطوق خل الحب يسري=وش يفيد الحب إذا بصدري سجيني

الله الله على الأبداع المتجدد دائماً ياملكة القوافي وابيات رائعه صح لسانك وعتلا
شانك

له ثمان أسنين وهـو يطـوي بعمـري

واخبـروه إنـي عزيـزة يزيـد قــدري

صدر البيت الثاني يراد له إعادة نظر وهو لا يعيب القصيدة

وصح لسانك ونشكرك على حصريتها لمنتديات الموازين الرسمية وهذا نعتبره هدية غالية منك

المشاركة الأصلية كتبت بواسطة ابن مشدد (المشاركة 290448) الله الله على الأبداع المتجدد دائماً ياملكة القوافي وابيات رائعه صح لسانك وعتلا شانك

المشاركة الأصلية كتبت بواسطة عبدالرحمن بن غلاب الميزاني (المشاركة 290454) صح الله لسانك شاعرتنا الرائعه ملكة القوافي ارجوا اعادة النظر في الاشطر المقتبسه من ناحية الوزن وهي لم تعيب القصيده بالتأكيد القصيده رائعه بشكل عام والله يوفقك