منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر منصور الدرين (http://www.almouazeen.com/forumdisplay.php?f=159)
-   -   شهرزادي || ( منصور الدرين ) .!! (http://www.almouazeen.com/showthread.php?t=32333)

منصور الدرين 21 - 07 - 10 05:58 PM

شهرزادي || ( منصور الدرين ) .!!
 
السلام عليكم ورحمة الله وبركاته

أعتذر عن إنقطاعي للفترة الماضيه وحق وواجب تواصلي معكم يابني عمي

وهذه قصيدة كتبتها من فتره وأعتبرها مصافحة بعد الغياب لعلها تنال على الرضا

إليكم :



ياعرب في آخر زمن لاتلومون الشجاع=لو لبس تاجه وحارب طريق المسخره
الضعيف إليا ضرب به شعاع الشمس ماع=لو يشوف العزّ قدمه ربض تحت إشجره
مانلوم اللي رضى الذل وأرضاه الضياع=ومانلوم اللي بكذبه تغشّاه إغبره
والله إن السمعه أشرف عليّ من الوساع=ماندفن تحت إسم الأوهام والحب أجبره
شفت لي واحد تلخبط يبي يشري وباع=يشتري من غدر الآيّام والعز إخسره
كل ماصادف طريقه حمام الورق جاع=وكل ماهبهب له الريح ينقز فنحره
والله إن أصحابنا اللي يجيبون الصداع=يوم آشوف (الشهريار) إندفن في مقبره
مقبرة تدفن محبينها قبل الوداع=والبلا إنّ (الشهرزاد )أكثر أهل الثرثرة
العجب ثم العجب والعجب تسعين باع=كل رجل يغازل البنت جاته تشكره
وكل عذرا حسنها ترسله لرضاه ضاع=هي تبي منه إنخضاعه وهي ماتقدره
والعجيب إن قال أحبّك ليا حدّ النخاع=قالت أكثر منك أحبك وهي عقل بقره
كيف ترضى بنت الأحرار مع كثر النزاع=عولمة من ينتشر فيه ذلّه وانشره
لو تعرْف إن الحيا كنز والدنيا متاع=مارضت بملاعب الوقت والغدر أخطره
طافي النور إضحكت له بعينيها وطاع=شوف كيف الحال والحال ربّك يستره
مثل ذاك اللي مكبر جنوبه بالرقاع=ماقدر يشتال حمله يمينه وأيسره
صيدة الجاموس سهله على أنياب السباع=ومن خضع راسه مع الناس مافيه إثمره
مشكله يوم المره بالجهل ترضى الجماع=ومشكله يوم الرياجيل تجمعهم مره
ومشكله لو يضرب السيف في وقت الصراع=راس من ظنّت به الناس خير وتذكره
ماهقيت إن أسود الغدر بين الناس شاع=وماهقيت إن الحيا مات في الناس أكثره
عن دلعهم ودي ألبس على راسي قناع=مالتفت في وجه واحد كثير البربرة
وين صمت الحر الأشقر وممدود الذراع=لو نصوه أهل الحكي ما يجيبون خبره
مانشك إن الصديعات يرضنّ الخداع=ومانشكّ إن العليمي يقصنّ ظهره
السفينه لو بحرها كشف عنها الشراع=ماتوا أصحاب السفينه وهذا مانكره
راهنتني سود الأيام في فض النزاع=وأشبعتني من خبرها خبر مانحصره
ناقصين العقل ثلث ويحبّ الإطّلاع=ولو سقوني سمّ ماحرّكوا في شعره
لاجل أنا اللي جاهزٍ للهجوم وللدفاع=آخذ آقل الغلا (صدق ) وآكبّ أكثره
جبتها باسمى المعاني وقدر المستطاع=فالصميم من أوّل القاف لاحدّ آخره

وسلامتكم ..

برق 21 - 07 - 10 06:45 PM

رد: شهرزادي || ( منصور الدرين ) .!!
 
صح لسانك وبييض اللة وجهك على القصيدةالجزلة

ملكة القوافي 21 - 07 - 10 06:56 PM

رد: شهرزادي || ( منصور الدرين ) .!!
 
الله يسلمك وصح لسانك أخوي منصور الدرين قصيدة جزلة من شاعر جزل

أبو بندر 21 - 07 - 10 09:49 PM

رد: شهرزادي || ( منصور الدرين ) .!!
 
صح لسانك اخوي قصيده جزله

أمير بكلمتي 21 - 07 - 10 10:29 PM

رد: شهرزادي || ( منصور الدرين ) .!!
 
صح لسانك وبييض الله وجهك

منصور الدرين 22 - 07 - 10 01:55 PM

رد: شهرزادي || ( منصور الدرين ) .!!
 
اقتباس:

المشاركة الأصلية كتبت بواسطة برق (المشاركة 335599)
صح لسانك وبييض اللة وجهك على القصيدةالجزلة


بدنك يابرق

شرفتي تواجدك الطيب

العبدليه 22 - 07 - 10 02:54 PM

رد: شهرزادي || ( منصور الدرين ) .!!
 
صح لساانك خيو بودرين

أبن مصاول 22 - 07 - 10 03:51 PM

رد: شهرزادي || ( منصور الدرين ) .!!
 
صح لسانك يالضباطي وقصيدة جزلة يا ولد شالح وأنت شاعر متمكن ورائع في صورك ومعانيك وحتى القافية التي اخترتها كانت قوية وذات موسيقى عاليه ...ميزة القصيدة عن غيرها وقد ذكرتني بقصيدة الشاعر الكبير حامد زيد (الجمهره)

وتنقل بهذه القصيدة الى قائمة الشعراء

ابن الشاعر 22 - 07 - 10 04:40 PM

رد: شهرزادي || ( منصور الدرين ) .!!
 
صح لسانك مليووون شاعرنا
وقصيده فعلاً جزله
وتستاهل مامنحك ابن مصاول
وننتظر منك الاجمل

منصور الدرين 24 - 07 - 10 12:19 PM

رد: شهرزادي || ( منصور الدرين ) .!!
 
اقتباس:

المشاركة الأصلية كتبت بواسطة ملكة القوافي (المشاركة 335604)
الله يسلمك وصح لسانك أخوي منصور الدرين قصيدة جزلة من شاعر جزل

ملكة القوافي

صح بدنك أختي

وشاكر لك ثنائك على القصيدة

كل الإحترام


الساعة الآن 10:48 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها