الهياط ... مشتق من كلمة الهيط .. والهيط لغة كل ما ارتفع صوته بداعي الهياط ç يقالك شرحت الحين http://vb.eqla3.com/images/smilies/038.gif .. مسالة ان ربي يبتليك بخوي مهايطي تنبلع ... اثنين مهايطيه وواحد بدون مايونيز برضو نمشيها .. 3 مهايطيه واحد سوبر سايز برضو تنبلع .. ما ودي اقولكم لو اربع مهايطيه وش بيصير لاني بحرق عليكم الموضوع .. انا ابيكم تتخيلو بس لو صار كل اخوياك مهايطيه وش حياتك بتكون ؟! http://vb.eqla3.com/images/smilies/n/sm12.gif ... انا ربي مبتليني بكم واحد نفر بخاري من هالعينات ويا الله ممشي .. قلت وش حيث قرعه عني يوم يفتح موضوع ينتقد سيول الرياض .. انا بنتقد المهايطيه اللي صرنا نشوفهم اكثر من كاميرات ساهر .. اللي خلت الواحد يمشي وعينه بالطبلون .. كل ما تعدى السرعه قال سرعة شيطان http://vb.eqla3.com/images/smilies/biggrin.gif ورفع رجله وناظر الكاميرا وهو يقول بخاطره تبا لكم .. ... ارجع واقول انا ما يهمني موضوعي وش هو من لحيه قد ما يهمني اكون دايما متواجد بها المكان اللي فعلا دخل قلبي اليمين من اوسع ابوابه وله افضال عليhttp://vb.eqla3.com/images/smilies/004.gif <== بدا شغل المصاريه http://vb.eqla3.com/images/smilies/biggrin.gif واحسسهم اني دايما معهم حتى لو غبت شويات .. اما عاد لو يشدون حيلهم شوي ويدخلون قلبي اليسار .. اووووف كان تشوفون الزحمه اللي بتصير بالاوردة والشرايين ç بدا هياط http://vb.eqla3.com/images/smilies/004.gifhttp://vb.eqla3.com/images/smilies/biggrin.gif

نبدا بموضوعنا ... الهياط صارت صفه سائده بالمجتمع موجوده عند كل من هب ودب .. كل واحد يصير وده يهايط وخلاص ما يدري شلون .. تلقى بعضهم يلقاك بالشارع ... يا رجال علي بالطلاق انك تسير علينا شدعوى يخوك محنا قد المقام ... وتلقى زوجته 24 ساعه مجهزة شنطتها تروح بيت اهلها الطلاق متوقع باي لحظه ... كل ما مر رجال من عند البيت سحبه من شماغه يا رجال علي بالطلاق العشاء جاهز بقى بس البيبسي يجيبه راعي البقاله .. وام العيال واقفه على الشباك تقول يا رب يدخل بتعشى لا يضيع مستقبل البيت .. ويمكن لا دخلت حسيت نفسك ماصل وثقيل دم ... تلقى لا عشاء جاهز ولا احد داري عنك .. والرجال مواعد اهل البيت يوديهم مشوار .. وشف القلق عاد يبدا يحسسك انك مثقل عليه .. وبلحظه معينه تحس نفسك زباله اني من جد ما استحي على طول وافقت انا اول ما لزم علي خصوصا لا جاك واحد من الوراعين الابرياء اللي كلامهم يطلع بدون تشفير وجاء يقولك انت بتطول والا لا ... ولا كان الرجال هو اللي مطلق بالثلاث ... ومن زود هياطه تلقاه مسنتر بالشارع عند وايت المويه يشب تحته نار ان قلت له ليش قال ابد والله نسوي شاهي للضيوف .. يلعن ام هياطك . http://vb.eqla3.com/images/smilies/biggrin.gif



تتعرف لك على واحد بالدوام وبدايات تعرفكم يشوفكم تسولفون عن السيارات وهالحركات ... يبدا يخش معكم ويمون ويسوي انه الولد الكاش ... يخوك ما حد بيعترض عليك لو ان راتبك ما يكفيك بس كثر الهياط ليش .. يخش معنا بسوالف انه ازلب سيارة ركبها بحياته بي ام الـ 700 ويسويلك انه دقيق واخلاص وامانه يقولك بس كانت مصدومه من ورى http://vb.eqla3.com/images/smilies/019.gif ... ولا بدينا نسولف يقول شباب ما تخبرون لي سيارة مش حالك من السيارات الرخيصه والعمليه الواحد يقضيها فيها مشاويره عشان سيارتي الشخصيه تصير للمشاوير الخاصه والعائليه وبس ... تسمع كلامه تقول اخص صح عليه بيحافظ على سيارته .. تنزل يوم من دوامك بالصدفه تلتقي معه وهو رايح لسيارته ... تتفاجئ ان معه كامري 2001 .. حاط تجليده على السقف مسوي بانوراما .. ومركب زينون .. وفاك الطيس .. والشهاده لله مضبطها من جوا مركب لها شاشه تحس انه زارف تلفزيون الملحق وزبنه بالسياره .. طيب احد قالك هايط .. اشوى ما تهور وقالنا وقت بركان بريطانيا الاخير رحت سفره على السريع لـ لندن اقضي وقت واخذت معي باخور حطيته على البركان عشان نبخر الربع هناك اخوياي وخوياتي البريطانيات .. الله يلعن ابو هالراس ..http://vb.eqla3.com/images/smilies/n/sm5.gif



كله كوم وسالفة الاقساط كوم ثاني .. تلقى بعض الناس ما يحسبها صح .. وده يقسط طول عمره في سبيل انه يهايط على اخوياه .. يقسط سيارة وبيت وعفش وقرض من البنك و و و .. يصير وده يطلع لكزس اقساط .. ويشتري له بيت كبر قريح ... يصير هو وزوجته بس .. وياخذ له قصر موب بيت .. اول ما تدخل الحوش تلقى لوحه سهم على اليمين .. غرفة النوم 60 كيلو http://vb.eqla3.com/images/smilies/biggrin.gif... اول ما تمسك الخط تزبن لغرفة النوم من زود الفسقه حقين المرور حطو له كاميرا من حقات ساهر بعد المقلط بـ 30 كيلو ...http://vb.eqla3.com/images/smilies/10111.gif وتلقاه مستانس مو مشكله اهم شي اهايط على اخوياي ... هالنوعيه من زود الفسقه والمرض اللي فيهم .. تلقاه مسويلك مسبح بجنب بيت الشعر .. تقوله ليش يا فلان وش الفايده .. يقولك عشان اغسل الفناجين لا قهوينا الضيوف http://vb.eqla3.com/images/smilies/038.gif.. وهو الظاهر ما قد دخل بيته الا ام زوجته .. وشوية قطاوة .. ويوم مرة تهور وعزم اخوياه جاه 500 واحد قالهم ما لكم دااااااعي وين باقي العيال ... بعذره جايب بيت كبر راسه كل اخوياه لا جو ما يكملون زاوية بالمقلط ... لا وكل واحد يمد رجليه عشان يحسون ان المكان زحمه .. الله يقلع بليسه غطى على هياط الصينين اللي من كثرهم الواحد لا بغى يسوي عزيمه يحط عدد مبداي للحضور 20 الف ... وكثر ما يتشابهون يمكن نفس الشخص يجي مرتين وانت منت عارف عنه <== اوكي سلكنا لك بس لا تفلها .. http://vb.eqla3.com/images/smilies/038.gifhttp://vb.eqla3.com/images/smilies/004.gif




اخبر واحد مطلع سيارة اقساط وساحب على ام الشركه ... الرجال مو سالفه ما معه يدفع لا يستلم راتب واموره ماشيه الحمد لله .. بس خلاص تلقاه يفلها ويصرفها على شغلات ثانيه .. سحب على ام الاقساط لدرجة انه وصل لمرحله انه كل يوم يده على قلبه لا يجون حقين الشركه يسحبون سيارته .. صار لا جاء للدوام كلم واحد من الشباب يقوله يا فلان انا صاف بالمكان الفلاني تعال هات سيارتك سكر علي ... وتلقاه لا طلع فوق مد لك كرشه مترين قدام ... وقال هاه يا شباب وش بنتغدا اليوم .. علي بالحرام ما احد يدفع فيكم ريال http://vb.eqla3.com/images/smilies/biggrin.gif... يلعن شكلك يخوك ادفع الديون اللي عليك فك عمرك من بلا الاقساط بدل ما انت كل يوم تكبر بهالكرشه يمكن لو احد طب عليك واغتالك ينزل منها دولارات من كثر الفسقه .. الظاهر لو يضل على هالحال بيصير كل ما يوقف افلقني ان شاف اي عضو من اعضاء جسمه اللي تحت الكرشه .. حتى اصابع رجليه اللي تقل صفطة هوت دوغ جنب بعض ما عاد يشوفها http://vb.eqla3.com/images/smilies/n/sm18.gif <== الله يقلعكم انتو وهالتفكير دايما يروح لبعيد http://vb.eqla3.com/images/smilies/10111.gifhttp://vb.eqla3.com/images/smilies/biggrin.gif


ومع موضة المغازل هاليومين .. يا ربييييييي لا جاك واحد ماصل الا غصب يوريك اني مخقق بنات الرياض كلهم ... وانه يصير هو قاعد بس وفيه سرى بنات عنده .. كل وحده تجي يعطيها رقم على قائمة الانتظار .. لدرجة ان مرة الويتينج ليست عنده وصلت الظاهر 78 اسم ... ارحمنا يا روميو منفوحه ... اقوى موقف عاطفي مر على الرجال بحياته شغالة جيرانهم وهي طالعه ترمي الزباله تزحلقت بقشرة موز وطاحت .. راح ينشر الخبر بين العيال انها شافته وخقت عليه وفقدت الوعي ... يوم انتشر كل الخبر بالحاره بعد شهر طلعت الشغاله حامل .. دوره عاد هاه يا فلان اشوف الحين ما كانك تعرف الشغاله .. يقمط العافيه يقول دام الموضوع وصل للحمل واه الجنين اللي ببطني يروح فين منك لله خلني ازبن بس ( الفيس اللي بتوقيع الزنكلوني ويقول قداااام http://vb.eqla3.com/images/smilies/biggrin.gif )... اخبر لي واحد اشتغل معي بشركه سابقه .. من اول يوم له جاني قال لو احد سال عني انا هنا شوي وراجع .. وغمزني بعينه يقول خويتي الجزائريه جات تحت بنزل اقابلها ونلف شوي بالسيارة واجيك .. خخخخخخخخخخخخ يعني خقته تعدت حدود الوطن لتسيطر على الجزيره العربيه http://vb.eqla3.com/images/smilies/biggrin.gif كذا يعني انت اقوى شي وانا بخاف منك وبحاول اصير صديقك .. يلعن ابو هالراس تونا اول يوم حتى اسمك ما اعرفه ... هذاك مرة مسك خويي على جنب ويسولف عليه لق لق لق لق لين انفجر راس خويي .. جاني يسب عليه وقافله ام الاخلاق خخخخخخخخخخ .. اخر شي طلع الرجال له نص ساعه يسولف عليه ان ثنتين من البنات خاقات عليه وهو يحب وحده وبيسحب على الثانيه وما يعرف شلون ... اخر شي اضطر انه يجرح مشاعرها ... وفجاه يقلب لك الولد النعومي الاتيكيت ما شاء الله .. اللي على قولتهم لا جاء يقضي حاجته طلع منديل واخرج ريح فيه <== بالله كيف وانا مؤدب واتكلم بتشفيير ولغه علميه http://vb.eqla3.com/images/smilies/biggrin.gifhttp://vb.eqla3.com/images/smilies/004.gif


والا لا جاء الواحد منهم يستلمك ببطولاته ... يبدا يسولفلك عن اخر واحد قاله يا كلب وش صار فيه .. يبدا هياط عاد .. اخر واحد قالي يا كلب .. حاليا يشتغل حوض مويه في سوق الغنم ... يو يو يو والا لو تعرفون وش صار هذيك اليوم بواحد حدني بالسيارة وبدا يهايط ... دعست وراه لين وقفته .. نزلته بنص الشارع لعنت والديه ... وهو الظاهر بحياته كلها اطول مضاربه قدر يكمل فيها وصل لـ نص دقيقه وهو واقف على رجليه ودخل موسوعة جينيس .. تلقاه مرة من ثاني بقس وهو منسدح .. والا لو حشرته بزاوية وفصخت ملابسه بس خليه بالاندر وير عيب يعني http://vb.eqla3.com/images/smilies/060.gif.. بتلقى اصار اصابع واحد باقي اثرها عليه بعد ما شاته ... لو احلف ان احد المرات حشروه اثنين ... واحد يثبت .. والثاني يشوته يسطحه بصندوق السياره ... وهو من وساعة وجهه يقوم وينفض ملابسه من الغبار ويقول من اللي شاتني قبل شوي ترى ما لكم داعي ... لا يا شيخ دام ما لهم داعي مسوي مهايطي ليش .. ويجي يسولف لك يقولك القصه بالعكس .. يقولك تصدق يا فلان مرة حطيت يد واحد على كبوت السيارة وسكرت الكبوت عليه ... من قوة الموقف يوم ركبت السيارة لقيت يده طالعه مع الدركسون وصرت استخدمها لا بغيت ادق اشاره ... تصورو يا عيال وربي ايام المبزرة واحد يسولف علينا يقول مرة اخوي على الدوار كان مسرع والفرامل ما مسك معه فتح الباب وطلع رجله من السيارة حطها على الشارع وعدل السياره .. وييييييييين يبوك سيكل بي ام اكس ومجنزر الكفر عشان يطلع رجله يمدها بالشارع .. لاقينا انت .. لكن اللي فيه الهياط من وهو صغير وش يفكنا منه . http://vb.eqla3.com/images/smilies/038.gif



ما ودي اتفلسف كثير ودي انتم تعطونا من الهياط اللي مر عليكم واللي تشوفوه بحياتكم واللي هايطتو فيه على اخوياكم ... لكن بحط نقطه اخيره سالفة الانقليزي .. يا ليل السماااااجه لا جاك دلخ .. عربي يا الله تفهم عليه ... وتلقاه من زود دلاخته عشان يسويلك انه يعرف لغات مقتنع داخليا ان فيه حروف جديده بتنزل باللغه العربيه وهو اول واحد بيستخدمها ... يهايط على اخوياه وخوياته انه يفت انقليزي .. وهو لا دخل على ماكدونالدز يقول لراعي المطعم عطني اثنين سوبر سايز واحد بجبن والثاني بدون تشيز ... لا يا شيخ ... تسمع بالسوبر سايز انت وهالراس ... ولا رجع للبيت بين اهله اللي حافظينه وفاهمينه .. قالهم شريت لكم من مطعم 88 http://vb.eqla3.com/images/smilies/grins.gif.. ما يعرفون حرف الام بالانقليزي لو بيقولهم ماكدونالدز يمكن ابوه يتبرى منه .. لاعب عليهم وقايلهم هذا المطعم اسمه 88 ... تلقاه حفظ 3 كلمات انقليزي من بينهم يس و نو ويستلم امنا استقعاد الا غصب انا افت انقليش احسن من اوباما .. اللي زي كذا ودك توديه رحله لامريكا اول ما ينزل من الطيارة يلتقي مع مهايطية امريكا .. يقولون له شكلك ناوي تنجلد يقولهم يس وهو ما يدري وش السالفه وياكل طق لين يعض الارض ويعرف ان الله حق http://vb.eqla3.com/images/smilies/10111.gif .. وبعد ما يرجع تسفره لهم مرة ثانيه ويلقونه نفس الشباب يقولون له ما كفاك ضرب هذيك المرة وهو يسوي ذهين ويغير الجواب ويقول نو عشان ما ينطق .. ويستلمونه طق لين خشمه يصير على مستوى الوجه عنده ولا اطلق شركة مقاولات ما سوت لك هالشغل النظيف .. كلهم الله ياخذهم لازم حفر ومطبات بعد ما يخلصون الشغل <== كنه بيشطح لموضوع جديد http://vb.eqla3.com/images/smilies/biggrin.gif


ببالي كثير حكي والله .. لكن تونا طالعين من فعالية ومواضيع ما ودي اطول عليكم + هدفي اسجل حضوري لهالقسم العزيز على قلبي ... والاهم اني ودي انتو تشاركوني هياطكم واللي شجعني على هالموضوع كثر الهياط اللي نشوفه بالدكه .. شوفوني انا قد ما كنت اهايط بمواضيعي السابقه ويجو المشرفين يلحطوني ويعدلون على الموضوع .. تبت الى الله وبطلت هياط http://vb.eqla3.com/images/smilies/biggrin.gifhttp://vb.eqla3.com/images/smilies/004.gif


ما يستفاد من الموضوع :
- علي بالحرام انكم تقلطو ... يفداكم حبر المنتدى كله خلصوه على موضوعي http://vb.eqla3.com/images/smilies/biggrin.gif
- التزبيد افضل حل عصري للمهايطيه لحد الان .
- اذا رحت امريكا اول شي قول نو بعدين يس http://vb.eqla3.com/images/smilies/019.gif