كل ماقلنا المطر جهًا يعوًد في عقابه=ما بنانا في طمان الارض يرهبنا الخيالي
حاسبين لكل ردًه والخطر نحسب حسابه=ماومنا ضحكة الايام وصدوف الليالي
نعرف وجيه الحصاني نعرف خشوم الذيابه=وقتنا هذا حصانيته يهزن الذيالي
اصبح الحصني لسان الذيب خدمه بالنيابه=خدمة تدليس منتوج الرشاوي بالريالي
ليت صدر الادمي وسع السما عمق ورحابه=كان يصبر مامشى عجل على جرفٍ هيالي
وليت مطنوخ الرجال اليا اعتزى واليا بلابه=يحتمون المآقف الغصاب صلفين العيالي
لا انتهى حبر اليراع ولا نفع جوهر خطابه=يبتدي مد الذراع لحلق رمز الاحتيالي
يشتغل فار النثايل في الظلام بلا رقابه=ما درى أنه في آخر المشوار سهل الاغتيالي
يالله إغسل جرة المأجور من ماطر سحابه=جرته جرت خمينين تسلل في ديالي

المشاركة الأصلية كتبت بواسطة ساكب الحرف (المشاركة 460652) الله الله عليك اخوي حمود قصيده جميله جدا جدا وهالجمال ليس بمستغرب ومنبعه هو الشاعر حمود العتيبي (لانتهى حبر اليراع ولانفع جوهر خطابه ) ابداع ورمزيه عالية المستوى .... يبتدي مدالذراع لحلق رمز الاحتيالي ياسلام عليك ياحمود ابدعت في هالقصيده صح لسانك حتى ترضى دمت بخير