صاح الزمان وذقت مر المذاويق=غدر الزمن يا ناس ماله ضماني
عشت الزمان عتاب في لحظة الضيق=وش السبب في ضيقتي يا زماني
اسرح مع الضيقه والأحزان وافيق=واشكي من الأيام ضيق المكاني
الناس تفطر والمتيم على الريق=والناس تفرح والمعذب يعاني
له دمعة بالعين وجرح المعاليق=يا وقت يا وقت العنا وش رماني
اطالع الفرحه بعيون المخاليق=وابكي بدمع الحزن واضحك تهاني
جنبت درب الحب وهمس العشاشيق=ولقيت حرف الياس بخط الأماني
اللي بحياتي ما عطاني مواثيق=لاجت وفاتي وش نفع لا بكاني
موت المعزة ولا حياة المغاليق=ماتت قلوب الناس وضاع الحناني
يا أبوي من بعدك لحقني ملاحيق=من وقت غير فرحتي شي ثاني
صار الفرح بالقلب نار وتحاريق=وأنثر دموع يتيم والوقت جاني
يا ربنا الرحمن تفرج لي الضيق=وترحم أبو برحمتك وتحماني

ابيات رائعه جداً واقول مبدعه مبدعه شاعرتنا وابيات جميله

وتقبلي اعجابي بكل بيت من هذا النص .
ولكي كل الشكر

موت المعـزة ولا حيـاة المغاليـق
ماتت قلوب الناس وضـاع الحنانـي
يا أبوي من بعدك لحقنـي ملاحيـق
من وقت غير فرحتـي شـي ثانـي

قصيدة اوجعت القلب فتحتى جراح نحاول ننساها لاكن ..
الله يرحم والدك واموات المسلمين


قصيدة تخفى في طياتها الشىء الكثير

موت المعـزة ولا حيـاة المغاليـق
ماتت قلوب الناس وضـاع الحنانـي

شكرا شاعرتنا على هذه القصيدة رغم حزنها ومشكوووووووورةاختى

صح السانك شاعرتنا سهام على القصيده المعبره عن مابي داخلك من حزناًعميقاعلى فراق والدك الله يرحمه ويسكنه الجنه وهذي حالت الدنياء .لاهنتي على هذا الابداع دائما
تقبلي مروري وتقديري