بسم الله الرحمن الرحيم

هذ القصيدة كتبتها لاخي/عايض بن نايف المسعودي القحطاني وذلك عندما فقدت مبلغ مالي مغري في احد شوارع
الرياض الا ان المبلغ وقع بيد عايض واعاده لي وهو لم يعرفني من قبل حيث ضرب اروع الامثال بحفظ الامانه وهو
امر غير مستغرب على ابناء قبيلة قحطان00

يـ الــلــه يـــامــرسل جمــيع النبــييـن = يـامنزل الانـــفــال والعــصر والطـور
يــلـي ذكـــرت الامـن في ســـورة الـتـين = تــجعل وطــنا في حـمايتـك مـــبـرور
لاضــاع حــقك واخــتفى منــك في حــين = وامسيت من همك من الغبن مقـهور
والـيا غــدا لك شي واغـفـي عــن العيـن =في شارع(ن)مــافــيه حــارس ولاســـور
ابشربها لاجـــات بـ أيـــدي المــــياميـن =اللي لـهم حــل الصعيــبات دسـتــور
يوفي بهــا الطيــب ولــو هـي مـــلايـين =لو كان رجـل(ن)داهــلن حـاله الجـــور
ويطمع بــهـا المسكين لــوهــي ريـالــين = لوكـــان يملـك لــه بــساتـين وقــصـور
يـديـن تبحــث في خــفـا الـناس ويــدين = تحـفـــظ حقـوق الناس والحــال مستور
رجـل بــلاذمه تـعـــوود عـــلى الشــين= يسرق ولــو هو بـ اعين الناس منظــور
ورجل بـشهــادة يــظــهر الـحـق ويـبين =ورجـل على وضـح النـقـا يشهـد الــزور
زيــزومهـا نـجل الـرجـال المـسـمـين = العارف اللي يبـدي الـراي ويــشـور
يخشى مـن الـرحـمـن في سـاعـة الـليـن = شــاور ضـمـيره واعتمـد فـكره الـشـور
حمل الامـانه حـسب مـاجــابــه الــدين = الارض عــييت والـسمـا صـار معـــذور
يــامرحـبا يلي عـلى الطــيب ضـاريـن = من خــاطـرا سـامـح وصــادق ومسـرور
(عايض ابن نايــف)وهـــالاســم يكـفــين = مشـكـور لو هـي مـاتكـــفيك مشكـور
اوفيـت لـك بــحقـوق نـــاس غــريبين = راعـي وفــا والــك الــوفـــا وافي شـــبور
قــحطــان في حـــفــظ الامـانـه موصين = العود منــكم يــعطي عــياله الـــــدور
مـن قـوم بن هــادي زعيـم السلاطـين = الـلي لــه اســم في سمـا المـجـد محفــور
يــاكــم تــدارت واستجــابــة ميـادين = بـ أيـــدي قحــطان وقـوبــل الشر بشــرور
من فعلهم شبعـت سباع الـسراحـين = وشبعت طيور وحــام من فوقــها طـيور
يـامن خبر حي(ن)بــكى نــاس حييـن = عــاف المــنام وفـــز مرتــــاع مـذعـــور
رجــالهم يبكــى قبـل مـوتـــه يحـين = علـما صـحيـح بصــفحـة المــجد مذكــور
ريـــف الــضيــوف ودرع دون المـوالـين = زبن الـدخيل اللي على الـــظيـم مجبور
القـاف يسعــد لامـدحــت الـقحــاطـين = الصعب منــهـا يــعتير سهــل ميسـور
الـيا طــرا لي مدح واحتـجـت بيـتيـن = جــابـت ريـــاح الشعـر مـليـون طـابـور
وان جيـت انـقي بينهـا وافـرز الزيــن = مــااحتـــاج لا لـجــنه ولا راي دكتــــور
اكتــب وزينــها مـــع الــله وتـــزيـن = وابغـى السماح الـيا حصــل مني قصـور

المشاركة الأصلية كتبت بواسطة الفارس (المشاركة 270915) صح لسانك اخوي عبدالرحمن .. ويستاهلون قحطان ونعم القبيلة تحياتي ..~

صح بدنك ملايين

تستاهل الطيب ولاعليك زود وبيض الله وجهك

تقبل تحياتي

المشاركة الأصلية كتبت بواسطة ابن فالح (المشاركة 270925) صح لسان الشاعر \عبدالرحمن العقيلي وتستاهل قحطان00000

صح بدنك يبن فالح وتستاهل الطيب

تقبل تحياتي

المشاركة الأصلية كتبت بواسطة أبو راكان (المشاركة 271035) صح لسان يابوحمد .ويستاهل القحطاني وعمل يشكر عليه . اوفيت لك بقحـوق نـاس غريبيـن هذا البيت يوجد فيه خطا املائي فقط وهو مالونته باللون الازرق. صح لسانك مره اخرى

مرحبا ملايين يابو راكان

صح بدنك ملايين شكرا لدقتك والملاحظة وصول

تقبل تحياتي