الضيقه اللي تجرحك، شانه شان =
= لاكن تحملها وهذي مقاله
اطلب من الله، يفرجه، عالي الشان =
= رب كريم يرحم اللي لجاله
للخلق لاتشكي ولو كنت خسران =
= ترى الخلايق يفرحون مجاله
خلك، قوي العزم لو كان ماكان =
= واطلب الله، يغفر اللي عناله
السر لاتبديه، بنسان خوان =
=والله، يعينك، واحتفظ به لحاله
نصيحتي خذها من أنسان فهمان=
= فيه موجب لضيف يرخص حلاله
سرك لاتبديه لو كنت حيران=
=طبع البشر معروف فيهم عجاله
يظهر لك الضحكه على بيض الاسنان=
= وفيهم على ماقلت بعض النذاله
واخر ابياتي لك تحيه بقيفان=
=على النبي اللي حفظ بالرساله

المشاركة الأصلية كتبت بواسطة مواعيـ سراب ـدك (المشاركة 357516) سرك لاتبديـه لـو كنـت حيـران طبع البشر معـروف فيهـم عجالـه يظهر لك الضحكه على بيض الاسنان وفيهم على ماقلـت بعـض النذالـه صح لسانك وبيض الله وجهك يمزعل على هالكلمات الطيبه وهالابيات الرائعه