منتديات الموازين الرسميه - قصة خلف ابو زويد الشمري و سطام بن شعلان الرويلي

http://shwyb.net/up/uploads/images/0...86b7edaf05.gif

قصة خلف ابو زويد الشمري و سطام بن شعلان الرويلي ومعارضة الشاعر الأدغم ابو خشيم الرويلي

كان خلف بن رخيص الشمري ( ابو زويد) في مجلس الامير محمد ابن رشيد حاكم حايل
فــ اغضبه الاميرفي سبب ما ثم جلاء عند سطام بن شعلان شيخ الرولة
وقال هذه القصيدة يمدح ابن شعلان ويمدح زوجته تركيه بنت ابن مهيد ويقلل من قيمة ابن رشيد

وهذه القصيدة

ياراكب اللي كنها سولع الذيب = حمراُ ولا عمر الحويّر اغذيبه
حمرا تفج فخوذها للمحاقيب = حمرا تسوف كعوبها في سبيبه
حمرا تكسّر من عياها المصاليب = حمرا وتوّه في جهلها منيبه
حمرا مجرّبها مع البيد تجريب = مع الخلا ماشدّ مثله نجيبه
أبوه منفّلها على الفطر الشيب = وامه خناب الجيش ما ينهقيبه
تجري بذرعان سواة الدواليب = وحدة تقلّطها والاخرى جنيبة
إن لجلجت لج الحصى بالنشاشيب = شد الرسن والعود لا تعتنيبه
كن الشجر خلفه غدا له جناديب = عن السهل رقّه عفاش الرقيبة
لى درهمت شدّت ملاوي العصاليب = حسيس ربدا ماج عنها لعيبه
تطوي الفيافي والسهال العباعيب = عليه بعيدات الموارد قريبة
ريحة عرقها عنبر من هله جيب = أو زعفران بالفياض العشيبة
سبيبها يكسي متان العراقيب = عليه حليا من شقار الذويبة
إليا مشت تفرح ضمير النجاجيب = ماذاق لذّتها غذيّ الرويبة
شذّب عليها مظلم الليل تشذيب = يوم الثريا دوبحت للمغيبة
يشوح لك بيت الندى لك معازيب = منوة مناكيف الشتا عقب غيبة
النجر يضبح والدخن كنّه السيب = ودلال صافي بنّها عن سريبه
منصاك ابن شعلان هو منقع الطيب = إليا سحبت رخم الجموع الحريبة
رويلات والله مابها خلط أجانيب = يانعم بالعليا ومن يعتزيبه
سطام يا سترالبنات الرعابيب = جيناك جيّة واحدن ما دريبه
ناصيك من نجد عليّة مطاليب = جيتك كفاك الله شر المصيبة
يا شوق من عيّت على كل خطّيب = غيرك على كل المشايخ عصيبه
بنت الذي لا سولفوا بالمعازيب = أبّوه مصوّت بالعشا بالجذيبة
مقري خشوم الفوس من شمّخ النيب = لو كان يكفي دون ذبحه حليبه
ماجابت الخفرات مثلك ولاجيب = من مطلع البيضا لغربي مغيبه
ما يستوي للبيض غيرك ضواريب = البيض خطو المشتبه وش تبيبه؟
خيلك على الأقفاي عرج(ن)تقل عيب = والا على الإقبال عجل هذيبه
ماني غشيم اسيّب القول تسييب = واللي زعل ياشيخ يلقى لعيبه

وقد اعطاة سطام قطيع من الابل
ثم ان الشيخة تركية المهيد زوجة سطام قالت لزوجها انت اعطيته مقابل مدحه لك
لكن مدحه لــ والدي لم تعطيه عنه هل تسمح لي اعطيه عن ذالك قال لها اعطيه فـ اعطته قطيع اخر
ويقال انها قالت لو وضعت مدح ابويه في مقدمة القصيدة لــ اغنيتك اذا اراد الله غناتك
وقد اغضبت هذه القصيدة ابن رشيد وخاصة قوله (البيض خطو المشتبه وش تبي به)
وحيث محمد ابن رشيد عقيم لاينجب ووصفه ابو زويد بالمشتبه
حاول ابن رشيد القبض عليه لاكن ابو زويد لم يقول القصيدة الا بعد وصوله لــ ابن شعلان ولم يتمكن القبض عليه.
ووقد عارض قصيدة أبو زويد الشاعر الأدغم ابو خشيم السباحي الفريجي الرويلي بقصيدة يمدح فيها ابن رشيد ويمدح ابن مهيد .
ويقلل من قيمة سطام ابن شعلان ويقول :

يابو زويد فاطرك به شواذيب = جيتك على حر تزاود هذيبه
عسى ذلولك بالجرب والضواريب = ياللي تجنب عن طريق المصيبه
يابو زويد ياجذي المراقيب = حظك ضعيف ودايم تجتليبه
عفت الشداد وجيت تبي القلاليب = وتشرب من الدلة توالي سريبه
سطام ابن شعلان مابه عذاريب = أما الأمير الضيغمي لا تعيبه
أفتخ بعيد الشان هو منقع الطيب = من عاف سوم جلابته يكتفي به
يركب على ذروات مثل الدواليب = كم ليلة يسري ولا ينسري به
نجم يهدم عاليات المراقيب = مقيم الضحى للمنهزم وش يجيبه
أي الذي كسبه بيوت مع النيب = وأي الذي كسبه اذواد نهيبه
امدح أخو نوره بعيد المطاليب = مسقي قراطيع الغباين حريبه
تجيه صوغات بخط المكاتيب = على هواه المخطيه والمصيبه
ياما كسب بالكون من شمخ النيب = غصب على كل القبايل غليبه
الضيغمي محفي ركاب النجاجيب = مافات له من رمعة العمر سيبه
وامدح أبو نواف يامحرق الشيب = زبن الطريح اللي تونا هليبه
النوري الهزاع عطب المضاريب = مضراب سيفه ماتشافي صويبه
ولا ترى سطام شيب ولد شيب = لا قلت الصيدات ياكل قريبه

وقد أغضبت هذه القصيدة الشيخ سطام وعزم على قتل الرويلي,
فأمر أحد رجاله أن يشد له الذلول ،
لكي يذهب بنفسه ويبطش بالأدغم حتى لا يعلم أحد بذلك
وكان سطام يسمى كاتم السر .
ولكن أحد الجالسين كان صديقا للأدغم فذهب مسرعا وأنذره
فركب الأدغم قعود سريع الجري وخرج مسرعا خوفا من سطام ،
حاول سطام اللحاق به ولكن ذلول سطام لم تستطع اللحاق في قعود الادغم
حيث قعود الادغم كان اسرع من ذلول سطام فخرج الادغم متوجها نحو حائل يطلب الحماية من أميرها .
ثم قال هذه القصيدة يمدح قعودة عندما اظهره عن سطام

عفيه قعودي قام ينزح براعيه = عن شيبة ماعقبت من جهدها
عفيه قعودي بالمقاديم غاذيه = سلايل البلها سبوق بيدها
ياليت أنا سطام ماجبت طاريه = كم حل من قاله وقاله عقدها
سطام كل رويل لاسار تتليه = وكم حلة سطام قرشع عمدها
سطام عن الناس سده ايخفيه = ولا أحد درى عن نيته وش قصدها
يمشي مع الضاحي ويخفي مواطيه = ويكما السحابة وانت تسمع رعدها

وتقبلوا تحيات

مــغــلــيــكــم

طقها ولحقها