الصديق الصادق
والله أني كل مارحت أدورلي صديق = مالقيت اللي اليا جاته الكلمه تقف وين أبلقى واحدن معه صدري مايضيق = رمية من غير رامي توقع بالهدف لابغيت أقول كلمه لها مدخل عميق = الصديق الصادق أعزه ولي الشرف ودي أمدح راعي الطيب ولساني طليق = خايف أني من تواليه يلحقني حسف كل ماجت سيرته قلت يانعم الرفيق = يكفي أنه لا نوا نيته ما تختلف كلمته يبقى صداها ومصدرها وثيق = خل عنك اللي علومه تضيع وتنكشف أتركه مالك وماله ترى خبره عتيق = العلوم الطيبه ما لحق منها طرف البلا لو تنشده ما يدلك للطريق = واحدن عزمه ردي فيه محدن معترف يطلع اللي مختفي يوم ينشف كل ريق = الردي ماشال بيده حصاه ولا حذف دام أنا اللي قلتها ما بها شيّن يعيق = دونيها ياكتب وأنشريها ياصحف والنهايه زبدة الهرج بالمعنى الدقيق = جات من راس السلف وأستلمها يالخلف |
رد: الصديق الصادق
الله الله يابو خالد صح لسانك عدد كل حرف كتبته على هالتميز والابداع
قصيده نخبويه وابيات في غاية الروعه كل بيت يستاهل تعليق لحاله . |
رد: الصديق الصادق
صح بدنك اخوي ابن الشاعر والله لايهينك
تحياتي وتقديري |
رد: الصديق الصادق
صح لسانك يا بو خالد على ها القصيده الرئعه ومشكور .
|
رد: الصديق الصادق
صح بدنك اخوي الشبل والله يعطيك العافيه يالقرم تحياتي وتقديري |
رد: الصديق الصادق
صح لسانك يابوخالد وقصيده في قمة الروعه
|
رد: الصديق الصادق
صح لسانك يابو خالد كتبت فأبدعت فتألقت كعادتك صح لسانك مليون ومنتضر لجديدك |
رد: الصديق الصادق
أتركه مالك وماله ترى خبـره عتيـق العلوم الطيبه ما لحـق منهـا طـرف صح لسانك |
رد: الصديق الصادق
صح لسانك أخوي الحميدي بن فارس بن مدلج
|
رد: الصديق الصادق
صح لسانك يا أبو خالد وقصيدة ملئت بروائع الكلمات و المعاني التي لا يتقنها إلا شاعر فحل مثل الشاعر النخبوي الحميدي بن فارس بن مدلج
|
الساعة الآن 03:58 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir