للضيف كيـف وللرياجيـل ميقـا ف = والطيبـه تبقـى ويفـنـا جسـدهـا
وللحكـم حكامـه وللنـاس عـراف = ناس(ن)يقـدي رايهـا مـن نشدهـا
والعـز للـي بالمواقيـف ينـشـاف = قرم(ن)لياهـام الطوليـه صعـدهـا
قرم(ن)يحط المستحيلـه لـه اهـداف = ونفسه على اهدافه جهدهـا جهدهـا
واليوم ميقافي علـى شرهـة القـاف = بقصيدة(ن)ترسم هدف مـن قصدهـا
خصن وانا هجسي على المدح هداف = حـق(ن) علـي اخطهـا واعتمدهـا
ماشوقوني في غزل زين الاوصـاف = ولا هيضونـي بالحـرار وهـددهـا
ماهيضتنـي كـود شقـرا وميـلاف = شقرا يـدوس الفـوز حفـار يدهـا
أليا هذبـت قـدام والباقـي اخـلاف = كـن السبـاق مشاركتبـه وحـدهـا
كن حذف حافرها على القاع مغراف = يرمـي عسـام القـاع كلـه بعدهـا
تسمع لحافرهـا لياغـارت ارجـاف = والارض ياسمهـا وسـم لاهبـدهـا
هي منوة الخيـال لا شـاف ماعـاف = في ساعة(ن)من جورهـا ماحمدهـا
في ساعة(ن) ماعنده انصار وحـلاف = ماعنـده الاام الولـد مـع ولـدهـا
اقفو عليـه وقسمـو حـم الاشعـاف = وعقيدهـم كـل الغزايـز فـردهـا
ثم صاح بعلى الصوت من بعد ماشاف = سحابة(ن)يسبـق مطرهـا رعـدهـا
وركب على الي ماشبوها بالاريـاف = من السطـر تزمـل ويطفـر زبدهـا
ارخى رسنها واعتزى بسم الاسـلاف = وعلى الخطر والموت الاحمر لكدهـا
واسرف بهم من حر مايونس اسراف = واسترجـع انياقـه بعـد مافقـدهـا
من دون عرضه ماتـردد ولا خـاف = كم لحية(ن) من دون عرضه جلدهـا
وعود على لجة غطاريـف وهتـاف = وعلى هنوف(ن)لـه تنقـض جعدهـا
وهم للخـلا ولـو مدابيـر وانكـاف = ذاقـو مثـل مـاذاق وامـر وادهـا

على مطيـر مرجحيـن الموازيـن = اهل السطر واهل الظفر والبطولـه
يلقالهـم بصمـه بكـل الميـاديـن = قبيلة(ن) لكـن فـي حجـم دولـه
يوم المعـزه بالرمـك والبعاريـن = هم الحصان الاسـود بكـل جولـه
ويوم الفخر والوضع حسب القوانين = مافيه منصـب فالبلـد ماوصلولـه
واليـوم حنـا يامطيـر العزيزيـن = عشـره نمثلكـم قصيـد ورجولـه
وان صار فينا زين والثاني زويـن = الـي تشوفونـه كفـو صوتـولـه
منا القصيـد الـي يهـز الملاييـن = ومنكم ياحمران العيون السيولـه